Хаартыска: Ил Дархан, бырабыыталыстыба дьаһалтатын пресс-сулууспата.
Муус устар ый бастакы баскыһыанньатыгар өрөспүүбүлүкэҕэ Аҕа күнэ бэлиэтэнэр. Муус устар 6-7 күннэригэр Таатта улууһун Туора Күөл сэлиэнньэтигэр өрөспүүбүлүкэтээҕи “Аҕа күрэҕэ-2023” күрэхтэһии уон үһүс төгүлүн ыытыллыаҕа.
Былырыын Петр Романович уонна Арсений Чупровтар кыайаннар, быйылгы күрэхтэһии Туора Күөлгэ ыытыллар. Күрэхтэһии 8 түһүмэхтээх буолуоҕа. Улуустартан кыайыылаах аҕа уонна уол талыллан кэлэннэр, бэрэбинэни суорууга, эрбииргэ, маһы хайытыыга, ойбону алларыыга, остуолбаҕа тахсыыга, кутааҕа чэйи оргутууга, хайыһарынан сүүрүүгэ, бэйэни билиһиннэриигэ күрэхтэһиэхтэрэ.
Кыайыылаах дьиэ кэргэн 300 тыһыынча солкуобайынан, 2-с миэстэни ылбыттар – 150 тыһыынча солкуобайынан, 3-с миэстэлээхтэр — 100 тыһыынча солкуобайынан наҕараадаланыахтара. Ону тэҥэ, бастыҥ визитка, хайыһарынан сүүрүү, остуолбаҕа ыттыы, чэйи оргутуу түһүмэхтэрин кыайыылаахтарыгар анал бириистэр олохтонуохтара.
“Аҕа күрэҕэ” – олус сэргэх уонна тыҥааһыннаах күрэхтэһии. Ааспыт нэдиэлэҕэ үгүс улуустарга күрэхтэһиилэр ыытыллан, кыайыылаахтар быһаарыллан, улахан түһүлгэҕэ кэлээри, ох курдук оҥосто сылдьаллар.
Сайаапкалары кулун тутар 31 күнүгэр диэри туталлар: ahakyrehe@mail.ru электроннай буостаҕа ыытыахха сөп.
2025 сыл тохсунньу 22 күнүгэр Москваҕа “Кыһыл көмүс мааска” тыйаатыр национальнай бириэмийэтигэр уонна бэстибээл-куонкуруска номинаннары…
Ыам ыйын 11 күнүнээҕи иһитиннэриинэн, ойуур уонна ландшафтнай баһаары умуруорууга барыта 345 киһи уонна 32…
Байыаннай дьайыы саҕаланыаҕыттан “Якутия с тобой” диэн өрөспүүбүлүкэтээҕи ыстаап үлэтин саҕалаабыта. Билигин ыстаап бэрэссэдээтэлинэн Анна…
Тулагы-Киллэм нэһилиэгэр өрөгөйдөөх Кыайыыны уһансыбыттар сырдык ааттарын үйэтитэр өйдөбүнньүк пааматынньыгы үөрүүлээхтик арыйыы буолла. Төрөөбүт дойдутун…
Өрөспүүбүлүкэҕэ буруйу оҥоруу уон түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга…
Помудуору олордуох иннинэ, арассаадаҕа икки-үс хонукка уу куппаппыт, оччоҕуна умнаһа сымныыр, ону буорга эрийэ тутан…