Хаартыска: Мария Васильева, СИА
Табаҕа олохтоохторо ситэриилээх былаас уорганнарын 2023 сыллааҕы отчуотун биир санаанан ылыннылар. Министиэристибэлэр чилиэннэрин кытта көрсүһүү аһаҕас кэпсэтиитигэр тэрилтэлэр уонна култуура дьиэтин салайааччылара сырыттылар.
Бөлөх салайааччыта СӨ Бырабыыталыстыбатын бастакы солбуйааччыта Дмитрий Садовников. Урукку Табаҕа сэлиэнньэтин оройуонугар Өлүөнэ өрүһү туоруур күргэ тутуутун туһунан элбэх боппуруос киирдэ. Бүгүн Өлүөнэ өрүс хаҥас кытылыгар вахтовай бөһүөлэги тутууга наадалаах технологическай былаһааккаларыттан биирдэстэрин тутуу саҕаланна.
«Биллэн турар, Өлүөнэ өрүһү туоруур күргэни тутуу тыа сирин сайыннарыытыгар тиэрдиэҕэ. Табаҕалар харахтарыгар муоста тутуутун буолбакка, технологическай былаһааккалары оҥорууга үлэ саҕаламмытын көрүөхтэрэ. Владимир Путин эппитин курдук, күргэ 2028 сылга диэри тутуллуохтаах», — диэн бэлиэтээтэ Дмитрий Садовников.
««Умнас» суолтан бөһүөлэккэ тиэрдэр суоллары өрөмүөннээһин тиэмэтэ эмиэ үгүс дьону долгутар. Ону Дмитрий Садовников иһитиннэрбитинэн, чугастааҕы сылларга суоллары саҥалыы сөргүтэр былааннаахтар. Оттон Покровскайдааҕы тракт хайыы-үйэ хас да учаастага өрөмүөннэммит, табаҕаларга түргэнник тиэрдэргэ сибээстиир. Бөһүөлэк иһинээҕи суоллары эмиэ өрөмүөннээбиттэр. Ааспыт сылга Табаҕаҕа Комсомольскай уонна Строительная уулуссаларын хапытааланай өрөмүөннэрэ ыытыллыбыт, ону кытта эргэ Табаҕа уулусса өрөмүөнүн бастакы түһүмэҕэ түмүктэммит уонна сылаас оптуобус тохтобула туруоруллубут.
Табаҕаҕа киһи ахсаана элбиир. Элбэх тутуулар ыытыллалларынан, нэһилиэнньэ полицейскай пууну арыйыы боппуруоһун туруораллар. Кинилэри социальнай эбийиэктэри тутуу тиэмэтэ эмиэ интэриэһиргэтэр. Үс сыл анараа өттүгэр манна аныгы «Кедр» култуура дьиэтэ аһыллыбыта, оттон билигин табаҕалар саҥа оскуола тутуутун көҕүлүүллэр. Былырыын онно хапытаалынай өрөмүөн ыытыллыбыта», – диэтэ Дмитрий Садовников. Бүгүн тутуу ирдэнэр оскуолалар биэрэпиһигэр Табаҕатааҕы орто оскуола 44-с ахсааныгар турар.
Табаҕа оҥоһуллар өссө биир улахан бырайыагынан сменаҕа 350 миэстэлээх «Полярная звезда» оҕо сынньалаҥын уонна чэбдигирдэр киин тутуллуута буолар. Эбийиэк быйыл үлэҕэ киирэрэ былааннанар. Киирбит боппуруостары сэргэ киин ититэр ситимҥэ чааһынай секторы холбооһун, ыраас иһэр уунан хааччыйыы боппуруостара таарылыннылар.
Хаартыскалар: Мария Васильева, СИА
СӨ Ил Дарханын уонна Бырабыыталыстыбатын пресс-сулууспата
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…