Хаартыска: zdorovieinform.ru
Тустаах уопсастыбаннай миэстэлэргэ табахтааһыҥҥа эбии хааччахтааһыннары олохтуур уонна табах буруотун атын дьон эҕирийбэттэрин туһугар табахтыыр анал сирдэри тэрийэр туһунан этиини Ил Түмэҥҥэ киллэрдилэр.
Сокуон барылын Ил Түмэн Доруобуйа харыстабылыгар сис кэмитиэтин бэрэссэдээтэлэ Светлана Давыдова бэрэссэдээтэллээх кэмитиэт чилиэннэрэ көҕүлээтилэр.
«Оптуобус тохтобулларыгар уонна пааркаларга үгүс дьон табахтыыр. Онтон биһиги саатар оҕолор тастарыгар туран табахтаабаттарыгар көрдөһүүбүт хайдах эрэ олоҕо суох курдук. Онон хааччахтааһыннары киллэриини бириэмэ уонна биһиги уопсастыбабыт сайдыытын култуурата ирдиир”, — диэн Светлана Давыдова иһитиннэрдэ.
Саха Өрөспүүбүлүкэтин сокуонун барылыгар бобуллар сир-уот быһаарыллыбыт:
— уопсастыбаннай тырааныспардар тохтобулларыгар уонна тохтобултан 15 миэтэрэттэн чугас сиргэ;
— сынньанар, туристыыр, успуордунан дьарыктанарга аналлаах пааркаларга (анаан оҥоһуллубут сирдэртэн уратыга).
Наркология өрөспүүбүлүкэтээҕи диспансерын психиатр-нарколог бырааһа Саина Федорова санаатын маннык үллэһиннэ:
-Биһиги, наркологтар, маннык сокуон барыла ылыллыытын сөптөөҕүнэн уонна улахан суолталааҕынан ааҕабыт. Табахтаабат эрээри, табахтыыр тэҥэ буолар (пассивнай) дьону харыстыыр туһугар уопсастыбаннай миэстэлэргэ табахтааһын аҕыйатыллыахтаах. Табахсыттар организмнара табахха үөрэммит, оттон табахтаабат эрээри, табах сытын ыла сылдьар дьон табах буруотун куһаҕан дьайыытыгар ордук ылларымтыалар. “Пассивнай” табахтааһын син биир көннөрү табахтааһын курдук содуллааҕын аҕыйах киһи билэр.
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…
Биир даҕаны Саҥа дьыл салюта суох буолбат. Сорохтор түүн 12 ч. көрсөн баран оҕолуун-уруулуун тутуспутунан…
Ахсынньы 28 күнүнээҕи туругунан, өрөспүүбүлүкэҕэ бу сыл устата 694 суол саахала таҕыста, 80 киһи өлбүт,…