Хаартыска: СИА
Дойдуга таба иитиитин көдьүүстээхтик сайыннарарга уонна оҥорон таһаарыыны өйүүргэ судаарыстыба өйөбүлүн механизмнарын оҥоруохха наада. Ол туһунан Федеративнай тутулга, эрэгийиэннээҕи бэлиитикэҕэ, олохтоох бэйэни салайыныыга уонна Хотугу сир дьыалаларыгар Федерация сэбиэтин кэмитиэтин бэрэссэдээтэлин солбуйааччы Анатолий Широков иһитиннэрдэ.
Кини үгэс буолбут табаһыттар аан дойдутааҕы чөмпүйэнээттэрин чэрчитинэн Нерюнгрига ыытыллар Арктикаҕа улахан уларыйыы усулуобуйатыгар табаны иитиини сайыннарарга аналлаах аан дойдутааҕы кэмпириэнсийэҕэ эппитинэн, билигин судаарыстыба оруола табаһыт бэйэтин табаарын экэниэмикэ өттүнэн барыстаахтык оҥорон таһаарарыгар сытар.
«Кыһалҕа үс көрүҥэ баар. Бастакыта – табалары хаачыстыбалаахтык мэччитии, ол иһигэр тустаах ветеринарнай уонна эпизоотическай дьаһаллар. Иккис – табаны өлөрөр аныгы комплекс. Табаны өлөрөргө үксүгэр ханнык да мэдиссиинискэй-санитарнай нуормалар тутуһуллубаттар. Олус элбэх сырье сүтэр. Табаһыттар аныгы комплексы туһаналларын, сырье ханна да сүппэтин, комплекска үлэ санитарнай өттүнэн ыраас буоларын туһугар табаһыттары өйүүргэ судаарыстыба оруола баар буолуон сөп. Үһүс кыһалҕа – ылыллыбыт бородууксуйа логистикатыгар судаарыстыба өйөбүлэ. Табаны иитэргэ судаарыстыбаннай өйөбүл механизмнара баар буолуохтаахтар”, – диэн Федерация сэбиэтин бэрэстэбиитэлэ санаатын үллэһиннэ.
Өссө биир сытыы боппуруоһунан дойдуга табаны иитэр эрэгийиэннэргэ барыларыгар үлэһиттэр тиийбэттэрэ буолар. Ону быһаарар, сырдатар үлэни күүһүрдүү уонна ыччакка усулуобуйаны тэрийии ирдэнэр.
Чөмпүйэнээккэ Арассыыйа 13 эрэгийиэниттэн, ону сэргэ Кытайтан, Монголияттан, Гренландияттан уонна Исландияттан кытталлар. Аан дойдутааҕы чемпионат 2021-2023 сылларга Арктика сэбиэтигэр РФ бэрэссэдээтэллээһинин сүрүн дьаһалларын былааныгар киллэриллибит. Спонсордар — «Транснефть-Восток» ХЭО, «Газпром трансгаз Томск» ХЭО, «АнтрацитИнвестПроект» ХЭО, «ПолюсАлдан» АУо, «Селигдар» ПАО, «СТС-Уголь», «УК «Колмар» ХЭО, «Золото Тимптона» ХЭО, «Якутуголь» АУо, «Долгучан» ХЭО.
СИА хаартыскалара
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…