Таджикистан олохтооҕо арыгы атыылаан тутулунна

Бу туһунан ИДьМ пресс-сулууспата иһитиннэрэр.

«Алкоголь» диэн суһал-сэрэтэр тэрээһин үлэтин чэрчитинэн, ИДьМ МУ 2 №-дээх полиция салаатын үлэһиттэрэ уонна коррупцияны утары үлэлиир экэнэмиичэскэй сэрэхтээх буолуу салаатын оперативниктара сокуону кэһэн туран, арыгы атыылыыр 33 саастаах Таджикистан олохтооҕун туттулар.

Бу киһи бэйэтин массыынатыгар арыгы тиэйэ сылдьан, аһыы утах атыыламмат бириэмэтигэр дьоҥҥо тиэрдэн биэрии өҥөтүн оҥорон харчылаһар эбит. Эр киһи биир бытыылка буокканы 1300 солк. атыылыы туран, Дьокуускай куорат Киров уулуссатыгар тутуллубут.  РФ административнай быраабы кэһии кодексатын  14.17.1 ыст. 1 ч.  «сокуону кэһэн туран арыгы атыылаабытын иһин» боротокуол толоруллубут.