Хаҥалас улууһун дьаһалтатын пресс-сулууспата
Ааспыт нэдиэлэҕэ Саха сиригэр Татарстан Өрөспүүбүлүкэтиттэн дэлэгээссийэ оробучай сырыытынан кэлэн барда. Сырыы сүрүн сыала Саха сирин төрүт омуктарын тылларын, үгэстэрин уонна култуураларын харыстааһын уонна сайыннарыы эйгэтигэр ситиһиилээх уопуттары үөрэтии буолла.
Дэлэгээссийэ састаабыгар Татарстан үөрэххэ министиирэ Илсур Хадиуллин, ТӨ Судаарыстыбаннай Сэбиэтин үөрэххэ, култуураҕа, наукаҕа уонна национальнай боппуруостарга кэмитиэтин бэрэссэдээтэлэ, Суруналыыстар сойууһун бэрэссэдээтэлэ, «Саҥа үйэ» ТРК генеральнай дириэктэрэ Илшат Аминов, ону тэҥэ «Татар кинигэтин таһаарар дьиэтин» салайааччыта Рустем Галиуллин сырыттылар.
Хаҥалас улууһун дьаһалтатын иһитиннэриитинэн, Дьокуускайга ыалдьыттар үөрэх тэрилтэлэригэр, Хотугулуу-Илин федеральнай университекка, «Саха» НКИХ медиахолдиҥҥа ыалдьыттаатылар. СӨ Суруйааччыларын сойууһун, олохтоох СМИ эрэдээктэрдэрин уонна «Айар» кинигэ таһаарар дьиэтин кытта көрсүһүүлэр буоллулар, онно Татарстан бэрэстэбиитэллэрэ Саха сирин элбэх тыллаах үөрэх эйгэтин сайыннарыыга, национальнай медианы уонна кинигэ таһаарыытын бырайыактарын өйөөһүҥҥэ уопутун кытта билистилэр. Сырыы сүрүн түһүмэхтэриттэн биирдэстэрэ Хаҥалас улууһугар сылдьыы буолла. Дэлэгээссийэнэн урбаанньыт, бааһынай-пиэрмэр хаһаайыстыбатын баһылыга, саха сылгытын иитэр Иван Ушницкай сылгы баазатын көрдүлэр-иһиттилэр.
Ыалдьыттарга саха норуотун култууратын биир бэлиэтэ буолар саха сылгытын көрүү-харыстааһын төрүт ньымаларын көрдөрдүлэр. Татарстан бэрэстэбиитэллэрэ сылгы баазата хаһаайыстыбаннай эбийиэк буоларын таһынан, өбүгэлэр ураты билиитин харыстыыр уонна кэнчээри ыччакка тиэрдэр былаһаакка буоларын бэлиэтээтилэр.
Нөмүгү нэһилиэгэр норуот маастардарын уонна кыраайы үөрэтээччилэрин кытта эмиэ көрсүһүүлэр буоллулар. Дэлэгээссийэҕэ Саха сирин саамай улахан тыа хаһаайыстыбатын улуустарыттан биирдэстэригэр уус-уран оҥоһуктары хайдах өйүүллэрин, төрөөбүт тылга ытыктабыл хайдах үөскүүрүн, көлүөнэлэр ситимэ хайдах бөҕөргүүрүн көрдөрүлэр.
Санатан эттэххэ, Саха сирин уонна Татарстан икки ардыгар бииргэ үлэлээһин 2021 сыллаахха эрэгийиэннэр салайааччылара Айсен Николаев уонна Рустам Минниханов илии баттаабыт сөбүлэһиилэрин чэрчитинэн сайдар.
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…