Татьяна Оглезнева – Судьуйалар квалификационнай кэллиэгийэлэригэр уопсастыбаннай  бэрэстэбиитэл

Бүгүн Ил Түмэн онус ыҥырыылаах пленарнай мунньаҕар норуот дьокутааттара СӨ Судьуйаларын квалификационнай кэллиэгийэтигэр уопсастыбаннай бэрэстэбиитэли таллылар.

Тохтобулга барыах иннинэ дьүүллэһии түмүгүнэн икки хандьыдаат турбутуттан Оглезнева Татьяна Николаевна уопсастыбаннай бэрэстэбиитэлинэн талылынна. Кини кандидатуратын  ХИФУ бастакы сүһүөх идэлээх сойуустарын тэрилтэтэ туруорбута.

СӨ Судьуйаларын квалификационнай кэллиэгийэтигэр уопсастыба бэрэстэбитэлэ тутулуга суох, судьуйалары сүүмэрдээһиҥҥэ хандьыдааттары таларга кыттар киһи буолуохтаах. Кинилэр быһаарыыны ылынарга сүүмэрдээһин дьэҥкир уонна сөптөөх буоларын хааччыйарга сүрүн оруолу ылаллар.