Бэҕэһээ Ил Түмэҥҥэ “Саха Өрөспүүбүлүкэтигэр быстах хомуурга ыҥырыллыбыт, баҕа өттүлэринэн кыттар дьону уонна кинилэр дьиэ кэргэттэрин өйүүр миэрэлэр тустарынан” «төгүрүк остуол» тэрилиннэ. Билиҥҥи кэм тыын боппуруоһугар сүрүн иһитиннэриини СӨ Бырабыыталыстыбатын Бэрэссэдээтэлин бастакы солбуйааччы, анал байыаннай эпэрээссийэ ыытылла турар сирдэригэр Саха Өрөспүүбүлүкэтиттэн кыттар дьону таҥаһынан-сабынан, тэрилинэн эбии хааччыйыыга суһал ыстаап бэрэссэдээтэлэ Дмитрий Садовников оҥордо.
“Төгүрүк остуол” кыттыылаахтара анал байыаннай дьайыыга кытта сылдьааччылары хааччыйыы, кинилэр дьиэ кэргэттэригэр хайдах көмөлөһөр, өйүүр туһунан санааларын атастастылар, баар кыһалҕаларга тохтоотулар. Быһа сибээскэ норуот дьокутаата, быстах хомуурга сылдьар Мичил Николаев бастакынан таҕыста. Билигин Хабаровскага баалларын, көтөөрү бэлэмнэнэллэрин кэпсээтэ. Кини этэринэн, ыаллыы Хабаровскай эҥин курдук эрэгийиэннэртэн сылдьааччылар Саха сириттэн тиийбиттэргэ дойдуларыттан көмөлөһөллөрүн иһин ымсыыраллар эбит. Уонна биир дойдулаахтарын ыйытыыларын — 200 тыһ. солкуобай көмөнү хайдах биэрэллэрин туоһуласта. Маныаха Ольга Балабкина дьиэ кэргэҥҥэ бэриллэр көмө харчы быстах хомуурга сылдьар киһи дьиэ кэргэнин чилиэнин сайабылыанньатыгар олоҕуран бэриллэрин эттэ. Елена Голомарева Мичил Николаевка туһаайан: “Эн дьиҥнээх норуот дьокутаатаҕын, эйигинэн киэн туттабыт!”, — диэтэ уонна дойду бэрэсидьиэнин быстах хомууру биллэрэр туһунан ыйааҕа тахсыбыт балаҕан ыйын 21 күнүттэн Павел Ксенофонтов эҥин буолан, байаҥкамааттан арахсыбатахтарын кэпсээтэ. Кини госпиталларга сыһыаннаан “биир түннүгү” оҥорор кыах баарын туоһуласта. Дьокутааттарга госпиталы кытта сибээстээх 5 ыйытыы киирбит.
“Төгүрүк остуолга” биир ситиһии быһыытынан Елена Голомарева туруорсуутунан табаһыттар хомуурга ылыллыбат буолбуттарын ааттыахха сөп. Ол да буоллар, үс табаһыт бэйэтин баҕа өттүнэн барбыт.
Араас ыйытыылар киирдилэр. Холобура, Жатайтан Нина Щеголева чугас киһилэрэ ханна ыҥырыллан тиийбитин билэр кыахтара суоҕун эппитигэр СӨ Ил Дарханын уонна СӨ Бырабыыталыстыбатын Дьаһалтатын управлениетын салайааччыта А.В.Никифоров испииһэги “байыаннай учуот остуолун” нөҥүө билиэххэ сөп диэн сүбэлээтэ.
Тааттаттан Петр Захаров быстах хомуурга барбыт дьон дьиэ кэргэттэригэр хомунаалынай өҥөлөргө 50 быр. чэпчэтиини өрөспүүбүлүкэ бүддьүөтүгэр көрөргө, ону тэҥэ дьиэ кэргэҥҥэ көрүллэр биир кэмнээх көмөнү атын социальнай өйөбүллэртэн маппаттарын туһугар дохуот быһыытынан аахпаттарыгар этии киллэрдэ..
“Төгүрүк остуолу“ түмүктүүрүгэр СӨ Судаарыстыбаннай Мунньаҕын (Ил Түмэн) бэрэссэдээтэлэ Алексей Еремеев быстах хомуур куоталаһыы буолбатаҕын санатан туран, баартыйаларынан, улуустарынан эҥин хайдыспакка, бары бииргэ үлэлииргэ ыҥырда.
(“Төгүрүк остуол” туһунан сиһилии хаһыат аныгыскы нүөмэригэр суруйуохпут)
Хаартыска: “Төгүрүк остуолга” (Ил Түмэн саайтыттан)
Үөһээ Бүлүү улууһун Сургуулук нэһилиэгин баһылыга Алексей Тарасов уола Алексей Улуу Кыайыы күнүгэр Москваҕа Кыһыл…
Саха сиригэр ааспыт сууккаҕа 6 буруйу оҥоруу бэлиэтэммит. Томпо улууһугар 1971 с.т. эр киһини өлөрбүт…
Эксээмэннэр чугаһаабыттарынан сибээстээн, СӨ Үөрэҕин уонна билимин министиэристибэтэ, Үөрэх хаачыстыбатын кэтээн көрөр киин суруналыыстарга анаан…
Сотору тыаҕа мас тыллыытын, чыычаах ырыатын кытта тэҥҥэ Хомустаах бааһынатыгар ыһыы үлэтэ саҕаланан, үлэ күөстүү…
Судаарыстыбаннай эстрада тыйаатырыгар бүгүн, ыам ыйын 4 күнүгэр, көрөөччүлэр көрдөһүүлэринэн «Сүрэхпинэн көрөбүн: Олох…» тифлор-кэнсиэр ыытыллар.…
Томпо нэһилиэгин волонтердара анал байыаннай дьайыы кыттыылаахтарыгар көмө оҥоруу уопсастыбаннай хамсааһын аахсыйатыгар ис дууһаларыттан көхтөөхтүк…