Хаартыска Ж.Стрюкова тиксэриитэ
СӨ Тыатын хаһаайыстыбатын уонна аска-үөлгэ бэлиитикэтин министистиэристибэтин тэрийиитинэн Дьокуускай куоракка Комсомол болуоссатыгар “Ас-үөл – 2024” быыстапка-дьаарбаҥка буола турар.
Бу тэрээһин чэрчитинэн бүгүн тустаах министиэристибэ актовай саалатыгар Өрөспүүбүлүкэ астыыр-үөллүүр салаатын үлэһиттэрин сүбэ мунньаҕа ыытылла турар. Сүбэ мунньаҕы миниистири солбуйааччы Николай Афанасьев арыйда, салаа иннигэр турар соруктарга тохтоото.
Улуустартан кэлбит исписэлиистэр “Меркурий” ФГИС-нэн үлэҕэ тахсар кэһиилэр, ас-үөл хаачыстыбатыгар ирдэбиллэр тустарынан иһиттилэр. Үрдүк үөрэх кыһаларыгар тус сыаллаах үөрэтии, каадырдарынан хааччыллыы туһунан кэпсэттилэр. АГАТУ “Технология питания и пищевой индустрии” кафедратын сэбиэдиссэйэ Прасковья Гоголева астыыр-үөллүүр салааҕа (переработка) исписэлиистэр тоҕо тиийбэттэригэр санаатын үллэһиннэ. Кини этэринэн, технологы бэлэмнииргэ бэриллэр 20 миэстэттэн 10-нун эрэ толорбуттар. “Исписэлиистэр суохтар диигит да, үлэлэспэккит”, — диэтэ П.Гоголева хаһаайыстыбалар салайааччыларыгар туһаайан. Кинилэр 21 хаһаайыстыбаҕа бу боппуруоһунан сурук ыыппыттар даҕаны, “Хоту” кэпэрэтиип, “Дьокуускайдааҕы килиэп кэмбинээтэ”, “Сахаплемхолбоһук”, “Саха ынаҕа”, “Ас-үөл технологиятын өрөспүүбүлүкэтээҕи киинэ” тэрилтэлэр эрэ бу боппуруоска үлэлэспиттэр.
Олохтоох оҥорон таһаарааччыларга “Ретейли” ХЭТ салайааччыта Алексей Леверьев интэриниэт-былаһаакка оруолун туһунан билиһиннэрдэ.
Санаттахха, сарсын, балаҕан ыйын 27 күнүгэр, быыстапка-дьаарбаҥканы үөрүүлээх быһыыга-майгыга арыйыахтара.
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…
Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр күрэхтэһии …
2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…