Үс күн устата ыытыллыбыт Бүтүн Арассыыйатааҕы “Төрөөбүт тыл уонна литэрэтиирэ бастыҥ учуутала-2023” куонкурус өрөспүүбүлүкэтээҕи түһүмэҕэ түмүктэннэ. Муҥутуур кыайыылааҕынан Горнай улууһун А.Осипов аатынан биирдиилээн биридимиэттэри дириҥэтэн үөрэтэр Бэрдьигэстээх орто оскуолатын учуутала Кэскилээнэ Лукина ааттанна.
Кэскилээн Вячеславовна 2014 сыллаахха Хотугулуу-Илиҥҥи федеральнай университеты бүтэрээт, Ньурба, Нам улуустарыгар учууталлаабыт. Күн бүгүн төрөөбүт дойдутугар — Горнай улууһугар таһаарыылаахтык үлэлиир.
— Манна, улууска ыытыллыбыт куонкуруска кыайан кэлбитим. Өрөспүүбүлүкэҕэ эрэ бастыам дии санаабатаҕым, соһуйдум, үөрдүм. Биир идэлээхтэрим хайдах үлэлииллэрин көрөөрү-истээри, уопут иҥэринээри, киэҥ эйгэҕэ тахсаары кыттыбытым. Олус улахан эппиэтинэһи сүктүм диэн өйдүүбүн.
Кыттааччылар таһымнара олох үчүгэй. Бэйэм бөлөхпөр ыытыллыбыт уруоктары, маастар-кылаастары барытын кэриэтэ көрдүм. Бэрт элбэҕи иҥэринним. Бэйэбинээҕэр уопуттаах кыттааччылар баалларыттан үөрдүм, билиибин-көрүүбүн хаҥатынным, — диэн тэрээһин кэнниттэн кылгастык санаатын үллэстэр.
Манна даҕатан эттэххэ, Горнай улууһун гимназиятын физикаҕа учуутала Иван Дьяконов “Сыл учуутала-2022” Бүтүн Арассыыйатааҕы куонкурус өрөспүүбүлүкэтээҕи түһэмэҕэр бастаабыта. Саха сирин аатын Арассыыйаҕа көмүскүү барыахтаах. Онон горнайдарга быйыл эппиэтинэстээх, түбүктээх, үөрүүлээх сыл үүннэ.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…