Бырааһынньыктааҕы тиһэх чуорааннара ыам ыйын 24 күнүгэр, оттон «выпускной бааллар» бэс ыйын 28 күнүгэр ыытыллыахтара. Дойду бары эрэгийиэннэригэр Үөрэх министиэристибэтэ мэктиэ суруктара ыытылыннылар диэн rg.ru иһитиннэрэр. Үөрүүлээх тэрээһиннэргэ Российскай Федерация гимнэрин толоруохтара, дойду былааҕын көтөҕүөхтэрэ. Бу күннэргэ ордук педагогическай династиялар уонна элбэх оҕолоох ыаллар бэрэстэбиитэллэрин чиэстиэхтэрэ. Төрөппүттэр уонна анал байыаннай дьайыы кыттыылаахтара тыл этэллэрэ былааннанар.