Хаартыска Тихон Скрябин тиксэриитэ
«РНА Сибиирдээҕи салаатын Саха сиринээҕи Билимин киинэ» федеральнай чинчийэр киин генеральнай дириэктэрин уопсай боппуруостарга солбуйааччыта Тихон Скрябин байыаннай дьайыыларга кытта сылдьар билим үлэһиттэригэр туох көмө оҥоһулларын уонна байыаннай хайысхаҕа Саха сирин учуонайдара арыйбыт технологиялара баарын тустарынан кэпсээтэ.
— Саха сиринээҕи Билим кииниттэн икки научнай исписэлииспит Сергей Терехов уонна Николай Платонов байыаннай дьайыыга ыҥырыллан баран кытта сылдьаллар. Киин салалтатын уонна идэлээх сойууспут тэрээһиннэринэн бу дьоммутугар баҕа өттүнэн харчы хомуйан, 150 тыһ. солк. көмөбүтүн түмэн ыыппыппыт.
Ону таһынан байыаннай дьайыыларга ыҥырыллан барбыт үлэһиттэрбитигэр көмөлөһүүгэ федеральнай чинчийэр киин иһинэн пуонда тэриллэн үлэлиир. Бу үлэлэри сүрүннээһиҥҥэ уонна байаҥкамааты кытта үлэлээһиҥҥэ Айал Лонгинов диэн үлэһити сыһыарбыппыт.
Билим киинин састаабыгар баар Ньиэп уонна гаас боппуруостарыгар уонна Хоту сир физико-тиэхиньиическэй кыһалҕаларыгар институттарын лабораторияларыгар исписэлиистэрбит айан, оҥорон таһаарбыт “разработки двойного назначения” диэн аатынан биллэр гражданскай уонна байыаннай суолталаах кистэлэҥҥэ тутуллар технологиялар бааллар. Балар тиэхиньикэ чаастарын оҥорууга улахан туһалаахтар. Биһиги бу бара турар байыаннай дьайыылар кыайыынан түмүктэнэллэрин уонна уолаттарбыт этэҥҥэ эргиллэн кэлэллэрин туһугар ис сүрэхпититтэн ыалдьабыт, туох баар көмөнү оҥорорго куруук бэлэммит.
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…
Биир даҕаны Саҥа дьыл салюта суох буолбат. Сорохтор түүн 12 ч. көрсөн баран оҕолуун-уруулуун тутуспутунан…
Ахсынньы 28 күнүнээҕи туругунан, өрөспүүбүлүкэҕэ бу сыл устата 694 суол саахала таҕыста, 80 киһи өлбүт,…