Тиит кунааҕа

Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна.

Бүгүн ааҕааччыларбытыгар анаан Клара, Петр Токумовтар «Төрөөбүт дойдубут эмтээх үүнээйилэрэ» кинигэлэриттэн эһиги болҕомтоҕутугар таһаарабыт. Бу иннинэ харыйа туһунан бэчээттээн турабыт. Онтон бу сырыыга тиит кунааҕын туһунан суруйууларын билиһиннэрэргэ соруннубут.

Тииккэ үүнэр сылгы туйаҕар майгынныыр киэҥник биллибит паразит тэллэй. Саас, олус улаата илигинэ, иһэ үрүҥ өҥнөөх, сымнаҕас эттээх эрдэҕинэ, хомуйуллар. Тас кытаанах өттүн быһан быраҕыллар. Улахан буоллаҕына, үс-түөрт аҥыы кыралаан хатарыллар. Көөнньөрөн, хааны тохтоторго, сэллик ыарыытыгар, тиритэри тохтоторго, диабекка, ньиэрбэ ыарыытыгар туһаналлар.

Клара, Петр Токумовтар

«Төрөөбүт дойдубут эмтээх үүнээйилэрэ» кинигэлэриттэн.

«Бичик» кинигэ кыһата, 2008 с.