Тиксии пуордун сайыннарыы туһунан Ил Дархан мунньаҕы ыытта. Мунньахха пуорт таһаҕаһы таһыытын кээмэйэ улааттаҕына, Арктикаҕа таһаҕаһы таһыы ороскуотун намтатыаҕа, Хотугу муора суола сайдарыгар, анал тэриллэри саҥардыыга, о.д.а. көмөлөөх буолуоҕа диэн түмүккэ кэллилэр.
— Бу соруктар судургута суохтар. Федеральнай тэрилтэлэри, улахан корпорациялары кытары бииргэ үлэлэһии ирдэнэр. Быһаарсыыттан “дорожнай картаны” ылыныыга уонна олоххо киллэриигэ тиийиэхтээхпит. Бырабыыталыстыба улахан суолталаах соруга – бу бырайыак базатын чуолкайдааһын, ол федеральнай үбүлээһиҥҥэ уонна улахан корпорациялар инвестицияларын аҕаларга наадалаах, — диэн Айсен Николаев эттэ. Кини инвестордары уонна партнердары кытары үлэни тэтимирдэргэ сорудахтаата.
Бу бырайыак чэрчитинэн, үлэ үс хайысханан тэҥинэн барыахтаах – Тиксии пуордун сөргүтүү, Найбаҕа дириҥ уулаах терминалы уонна пассажирдар терминалларын тутуу.
— Тиксии пуордун сайыннарыы өрөспүүбүлүкэ, оройуон дохуоттаах чааһын улаатыннарыа, саҥа үлэ миэстэлэрэ тахсыахтара, хотугу таһаҕаһы таһыы суолун-ииһин тупсарыа уонна Арктика олохтоохторун бородууктанан, табаарынан хааччыйыа. Онон Арктика эргимтэтигэр улахан суолталаах, — диэн Ил Дархан бэлиэтээтэ.
Бүгүҥҥү күҥҥэ Күчүс бырамыысыланнай кластерын бырайыага олоххо киирэн эрэр, манна бары инвестиционнай быһаарыылара ылыллан, “Росатом” хампаанньаттан бастакы таһаҕастар пуорка кэлэн эрэллэр. Бу уонна атын бырайыактар олоххо киирдэхтэринэ, Тиксии Арктика уонна Хотугу муора суолун биир суолталаах эбийиэгэр кубулуйуо.
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…