Хаартыска: социальнай ситимнэртэн
Оҥоһуу өй Арассыыйа күүстээх дьонун саҥа киирсиигэ ыҥырда.
ТНТ ханаалга “Титаннар” телешоуга кыттар Арассыыйа күүстээх спортсменнара мас тардыһыытыгар күрэстэһиэхтэрэ. Саҥа таһаарыыга анаан успуорт национальнай көрүҥэр күрэстэһиҥ диэн сорудаҕы оҥоһуу өй этэн биэрдэ, диэн СИА кэрэспиэдьиэнэ Дьулустаан Сергеев суруйар.
Телешоу ахсыс түһүмэҕэр дойду биллэр-көстөр атлеттара аны сахалыы успуорт национальнай көрүҥэр күрэхтэһиэхтэрэ. Мас тардыһыылаах таһаарыы от ыйын 14 күнүгэр, өрөбүлгэ, олохтоох бириэмэнэн 20.00 чааска ТНТ ханаалга көстүөҕэ.
“Саҥа технологиялары туһанан, ТНТ телеханаал урут суох спортивнай эспэримиэни ыыта сылдьар. Сүрдээх элбэх дааннайдары үлтү сыымайдаан баран, нейросиэт киһи этин-сиинин кыаҕын бэрэбиэркэлиир сыаллаах уустуктан уустук холонуулары биэрэн иһэр. Биһиги эспэримиэммит быһыытынан Арассыыйа саамай күүстээх дьоно, дьиҥнээх титаннар, күүстээхтэн күүстээх ааты ылар туһуттан киирсэллэр – шоу кыайыылааҕар 10 мөл. солк. бириис туттарыллыа”, — диэн этиллэр шоу туһунан суруйууга.
Мас тардыһыыта бүгүн аан дойдуга барытыгар биһирэнэр буолла. Хайыы-үйэ аан дойду 5 чөмпүйэнээтэ, 2014 сылтан Аан дойду кубога ыытыллар. РФ успуорка министиэристибэтэ успуорт маастара, аан дойдутааҕы кылаастаах маастар, Арассыыйа успуордун үтүөлээх маастара диэн официальнай ааты-суолу туттарар.
Сыыппаралаах эйгэҕэ албыннатыы, түөкүннээһин, тус чахчылары уордарыы, куһаҕан дьон хара санаатыгар киирэн биэрии уо. д. а. тахса…
Бүгүн, бэс ыйын 8 күнүгэр, 8 чаас саҕана Хаҥалас Улахан Аанын олохтооҕо эр киһи дьиэтигэр…
Бүгүн, бэс ыйын 8 күнүгэр, Саха сирин сорох улуустарыгар быстах ардыыра, этиҥнээх ардах түһэрэ күүтүллэр…
Сулустар тугу кэпсииллэр? Астрологтар тугу билгэлииллэр? ХОЙ Ситэ быһаарыллыбатах дьыаланы аһаҕас хаалларар сэрэхтээх буолбут. Онон…
Уопсайа 500-тэн тахса араас саастаах дьон «Вместе Победим!» диэн сүүрүүгэ кыттыыны ыллылар. Бу аахсыйа онкологическай…
Дьылҕа хаан ыйааҕа билиэҕэ диэн санаа сахаларга хайдах, хаһан кэлбитин билбэтим гынан баран, хас биирдии…