Балаҕан ыйын 6-7 күннэригэр Үөһээ Бүлүү улууһун Нам сэлиэнньэтигэр «Тобуруокап көмүс күһүнэ» VIII өрөспүүбүлүкэтээҕи айар куттаах хоһоонньуттар көҥүл түһүлгэлэрэ түстэннэ.
Саха норуодунай бэйиэтэ Петр Николаевич Тобуруокап түмэл-уһаайбатыгар «Түөрт устуруока» хоһоону тута хоһуйуу күрэҕэр кыайыылаах үрдүк аатын Николай Васильев-Харыйалаах Уола ылла.
«Күрэххэ олус уустук уонна ыарахан ис хоһоонноох «Сэрии» диэн тиэмэни 4 устуруоканан хоһуйарга сорудахтаатылар.
Бэриллибит тиэмэҕэ 51 хоһоонньут 4 устуруокалаах хоһоону 20 мүнүүтэ иһигэр айан таһаарда.
Дьүүллүүр сүбэ сыаналыыр үлэтин түмүгэр кыайыылааҕынан Кэнтик нэһилиэгиттэн төрүттээх хоһоонньут Николай Васильев-Харыйалаах Уола кыайда.
Кыайыылаах 4 устуруока иһигэр сэрии иэдээнин, алдьархайын тиэрдибит сытыы тыллаах хоһооно дьон-сэргэ биһирэбилин ылла.
«Ийэ сирим иэнигэр
Билигин даҕаны сэтэриир
Икки атах иэдээнэ
Хара дьайдаах ыар сэрии».
Харыйалаах Уолун кыайыыгынан итиитик-истиҥник эҕэрдэлиибит! Айар кутун өссө үрдүк кырдаллары дайдын, ситиһиилээх буоллун!» – диэн Үөһээ Бүлүү дьаһалтатын пресс-сулууспата иһитиннэрдэ.
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…
Балаҕан ыйын 20 күнүгэр, Намҥа Судаарыстыбаннай филармония симфоническай оркестрын кэнсиэрэ буолуоҕа. (далее…)
Бу күннэргэ Дьокуускай куоракка Таатта улууһун баһылыга Айаал Бурцев уонна СӨ Гуманитарнай наука уонна Хотугу…
СӨ Оҕо саас сылынан үөрэх кыһаларын тутуу үлэтэ өрө көтөҕүллүүлээхтик, тиһиктээхтик салҕанар. Сыл устатыгар уопсайа…