Тохсунньу 9-11 күннэригэр “Инникигэ хардыы” эдэр чинчийээччилэр билим кэмпириэнсийэ-куонкурустара ыытыллыаҕа

Үөрэнээччилэргэ билимҥэ саамай суолталаах былаһаакка 2024 сыл тохсунньу 9-11 күннэригэр буолуоҕа. Күн бүгүн бары улуустааҕы түһүмэхтэр түмүктэннилэр, 1800 кыайыылаах билим 13 хайысхатыгар 42 сиэксийэҕэ эспиэртэр иннилэригэр үлэлэрин көмүскүөҕэ.

Кэмпэриэнсийэ эспиэртэрин сэбиэтигэр М.К. Аммосов аатынан ХИФУ-тан, Арктикатааҕы судаарыстыбаннай агротехнологическай университеттан, РНА СС Саха сиринээҕи билим кииниттэн, СӨ Билимҥэ академиятыттан 350 учуонай, преподаватель, аспирант, магистрант уонна устудьуон кыттыаҕа.

Кэмпириэнсийэ 2023-2024 үөрэх сылынааҕы РФ Үөрэҕириигэ министиэристибэтин тэрээһинин испииһэгэр киирбит. Кыайыылаахтар уонна призердар өрөспүүбүлүкэ тас өттүгэр Бүтүн Арассыыйатааҕы кэмпириэнсийэлэргэ уонна куонкурустарга кыттарга мэктиэлэниэхтэрэ.

Сиһилии иһитиннэрии, ол иһигэр бырагыраама кэмпириэнсийэ официальнай саайтыгар https://sitf.lensky-kray.ru/ тахсар.