Томпоҕо «Shacman» бензовоз түҥнэһиннэ

ЫБММ управлениетын пресс-сулууспатыгар бүгүн сарсыарда Тополинайтан 800 м. сиргэ  «Shacman» бензовоз түҥнэстибитин туһунан суһал иһитиннэрии киирдэ.

Барыллааһын быһыытынан, ньиэп бородууктата тохтубут.

Суол саахала тахсыбыт сиригэр ГИБДД Томпо оройуонунааҕы салаата үлэлиир. Эмсэҕэлээбит киһи суох.

Төһө кээмэйдээх ньиэп бородууктата тохтубутун көрө, чинчийэ судаарыстыбаннай экологическай надзор Томпотооҕу кэмитиэтэ барыаҕа.