Турок Умит Шахин ютубка сахалыы канаалланна (ВИДЕО)

Тыл билимин дуоктара, турок Умит Шахины Саха сиригэр үгүс киһи билэр. Кини уу сахалыы ыраастык саҥарар.

Бу күннэргэ Умит Шахин ютубка сахалыы канаалын аста. Бастакы анал биэриитигэр алтынньы 29 күнүгэр бэлиэтэнэр Турция Өрөспүүбүкэтин күнүн Анкараҕа хайдах бэлиэтииллэрин туһунан сиһилии кэпсиир. «2015 сылтан ыла ютуб канаалбар туроктыы биитэр сахалыы ыллыырбын уонна киэҥ эйгэҕэ тахсыбыт видеоларбын таһаарабын. Аны туран, ютубка сахалыы тыллаах канаалым баар буолла. Турцияҕа бэйэм сырыыларбын видеоҕа устан таһаарар буолуом», — диир кини.