Хаартыска: Мария Васильева, СИА.
“Ыам ыйын 1 күнүттэн абитуриеннар биир эрэ үрдүк үөрэх тэрилтэтин биир эрэ бырагырааматыгар сайабылыанньа биэриэхтэрин сөп. Туһааннаах сокуон ыам ыйын 1 күнүттэн олоххо киирэр” – диэн иһитиннэрии тарҕанан, үөрэххэ туттарсааччылары, төрөппүттэри долгутан ылла. ХИФУ киин тутар хамыыһыйатыттан маны быһааран биэрэригэр көрдөспүппүтүгэр, маннык хоруйдаата.
Хотугулуу-Илиҥҥи федеральнай университет киин тутар хамыыһыйатын начаалынньыга Елизавета Ильина: “Бу сыл ыам ыйын 1 күнүттэн “РФ үөрэх туһунан” федеральнай сокуонугар, тус сыаллаах үөрэххэ (целевой) сыһыаннаах көннөрүүлэр киирдилэр. Онно олоҕуран, абитуриент тус сыаллаах үөрэххэ туттарсарыгар биир үрдүк үөрэх биир эрэ бырагырааматыгар сайабылыанньа биэрэр кыахтаах. Уопсай куонкуруһунан уруккутун курдук биэс үрдүк үөрэх биэс бырагырааматыгар биэриэн сөп”, — диэн быһаарда.
Онон, өссө биирдэ лаппыйан эттэххэ, “2024 сыл ыам ыйын 1 күнүттэн биир эрэ үрдүк үөрэх биир идэтигэр туттарсыахха сөп” диэн иһитиннэрии, тус сыаллаах үөрэххэ эрэ туттарсааччыларга сыһыаннаах. Тэрилтэлэри кытта дуогабардаспакка, уопсай куонкуруһунан туттарсааччылар уруккуларын курдук биэс үрдүк үөрэххэ сайабылыанньаларын биэриэхтэрин сөп.
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…
Ил Түмэн спикерэ Алексей Еремеев парламеҥҥа сэттис (уочараты таһынан) пленарнай мунньахха ыҥырар дьаһалга илии баттаата.…
Бүгүн, ыам ыйын 17 күнүгэр, Дьокуускай куорат Хатас бөһүөлэгэр олохтоох Мария Оконешникова сүүрэ сылдьан кыталыктары…
Бүтэһик сууккаҕа Дьокуускайга сааскы халаан уутун таһыма үрдүүрэ күүтүллэр. Бүгүн, ыам ыйын 17 күнүгэр, сарсыарда…
Ыам ыйын 15 күнүгэр Үөһээ Бүлүү улууһун Туобуйа нэһилиэгэр икки киһи эмсэҕэлээһиннээх быһылаан тахсыбыта. Туобуйаттан…