Тус сыаллаах үөрэххэ 452 миэстэ

Өрөспүүбүлүкэтээҕи  тутар  хамыыһыйа бэс ыйын 22 күнүттэн үлэтин саҕалаабыта.

Өрөспүүбүлүкэтээҕи тутар хамыыһыйа Саха сирин тас өттүгэр баар үрдүк уонна орто анал үөрэх кыһаларыгар тус сыаллаах миэстэлэргэ үөрэниэн баҕалаах абитуриеннартан докумуоннары  тутууну саҕалаан, быйыл уопсайа 452 миэстэ көрүллүбүт.  От ыйын 10 күнүгэр докумуоннары хомуйуу түмүктэнэр.  Докумуоннары  http://copp14.ru/rpk саайтка  ыытыллар.

Ирдэнэр докумуоннар:

— Пааспар куоппуйата;

— СНИЛС;

— ИНН;

— Оскуоланы бүтэрии туһунан аттестат/диплом.

Абитуриеннар  СӨ бырамыысыланнаһын, тыа хаһаайыстыбатын, доруобуйа харыстабылын  уонна да атын министиэристибэлэри, биэдэмистибэлэри, тэрилтэлэри кытары тус  сыаллаах үөрэххэ  дуогабар түһэрсиэхтэрин сөп.

Диана Антонова