Быйыл ахсынньы ыйы билгэлииригэр Тускул тымныы күн-дьыл «тохтуу-тохтуу» кэлиэҕэ диэн эппитэ.
«Тымныыны ичигэс салгын сотору-сотору үтэйэр буолан, ахсынньы сүрүннээн сылаас буолуоҕа» диэн норуот синоптига билгэлээбитэ. Хомойуох иһин, Тускул бу күннэргэ үүнээри турар өрөбүллэртэн эмиэ улахан тымныы түһэрин туһунан сэрэттэ:
— Ахсынньы 11 күнүттэн -40С-тан тахса кыраадыстан тахсыаҕа. 12-с чыыһылаттан — 50С кыраадыска тиийэ тымныйыаҕа. Онон киин улуустарга бу өрөбүллэргэ улахан тымныы түһээри турар. Бүлүү бөлөх улуустарга сылаас күн-дьыл турар: түүн -30С, күнүс -20С-тан тахса кыраадыс курдук. Ол эрээри ахсынньы 11 күнүттэн бу эҥээр эмиэ -40С-ча кыраадыс тымныйыаҕа. Өлүөхүмэҕэ бу күннэргэ олох сылаас күн-дьыл турар: — 10 кыраадыс тымныы. Хаар түһэр. Ол эрээри 11-с чыыһылаттан манна тымныы баарын эмиэ биллэрэ түһэн баран, эмиэ сылыйыаҕа. Улахан тымныы суох. Кэбээйигэ биир тэҥ кыраадыс турар: -30С-тан тахса кыраадыс тымныы. Улахан тымныы эмиэ 12-с чыыһылаттан түһүөҕэ. Ол эрээри -50С кыраадыыстаах тымныы суох.
Бу күннэргэ Тымныы полюһугар Өймөкөөҥҥө ахсынньы 9 күнүгэр диэри тымныы күн-дьыл турар: — 50-тан тахса кыраадыс. Ол оннугар 10-с чыыһылаттан манна сылыйар: -40 кыраадыс. Дьааҥыга -30С-тан эрэ кыраадыс. Ол аата «сылаас» диибит. Ол эрээри 8 чыыһылаҕа -50С кыраадыска тиийэ тымныйыаҕа. Ол кэнниттэн эмиэ төттөрү сылыйбытынан барыаҕа.
Халыма-Индигир улуустарыгар 40С-тан тахса кыраадыс тымныы. Ахсынньы 10 чыыһылатыттан тымныйан баран, эмиэ сылыйыаҕа. Өлөөн улууһугар -30С кыраадыс тымныы. Ахсынньы 11 күнүттэн манна эмиэ тымныйыаҕа, -40-тан тахса кыраадыс тымныы.
Тиксиигэ -20-30С кыраадыс икки ардынан биир тэҥник түһэ-түһэ тахса турар.
Хотугу улуустарга бу кэмҥэ «Полярнай түүн» саҕаламмыта ыраатта. Тиксиигэ сэтинньи 19 күнүттэн тохсунньу 24 күнүгэр диэри, Аллайыахаҕа сэтинньи 24 тохсунньу 18 күнүгэр диэри, Черскэйгэ, Аллараа Халымаҕа, Өлөөҥҥө ахсынньы 4 күнүттэн, Абыйга, Дьааҥыга, Халымаҕа ахсынньы 7 күнүттэн саҕаланаллар. Ити курдук, Саха сиригэр чох хараҥа түүннэр буолар улуустара үгүс.
Бэс Күөлүгэр сэргэх тэрээһин буолла. Нэһилиэк баһылыга Айсен Егорович Павлов үөрүүлээх тэрээһиҥҥэ мустубут дьону эҕэрдэлээтэ…
Маннык эмиэ этэллэр эбит. Биһиги дьылҕабыт зодиакпыт бэлиэтиттэн эрэ буолбакка, нэдиэлэ ханнык күнүгэр төрөөбүппүтүттэн эмиэ…
Ил Дархан Айсен Николаев харах балыыһатын стационарнай отделениета аһыллыытыгар, тэрилтэ өрөспүүбүлүкэҕэ доруобуйа харыстабылын сайдыытыгар ситиһиилээх…
Халыма-Индигиир улуустарын уокуругуттан үгүс спортсмен араас көрүҥнэргэ ситиһиилэрдээхтэр. Ол курдук, бу күннэргэ Муоматтан төрүттээх бөҕөс…
Бу сирдэргэ хаһан баҕарар сылдьыахха сөп, ол эрээри кутаа уотун оттор көҥүллэммэт. Дьокуускайга Кангаласс түөлбэтигэр…
Өрөспүүбүлүкэ күнүгэр Дьааҥы оройуонун бочуоттаах олохтооҕо, СӨ тыатын хаһаайыстыбатын бочуоттаах бэтэрээнэ Христина Чукрова өрөгөйдөөх 80…