Хаартыска: СИА.
Кэлэр нэдиэлэ ортотугар Саха сирин үрдүнэн улахан сааскы ириэрии, сылыйыы буолаары турарын туһунан норуот синоптига Тускул иһитиннэрдэ.
— Сылаас циклон Красноярскай кыраайтан кэлэн иһэр. Онон, бастакынан Бүлүү, Сунтаар улуустарын эҥэр сылыйыаҕа. Ол диэкинэн Өлүөхүмэ улууһа эмиэ таарыллыаҕа. Сунтаарга кулун тутар 19-20 күннэригэр +2, +4 кыраадыска тиийэ сылыйыаҕа. Онон ардыан эмиэ сөп. Өлүөхүмэҕэ эмиэ бу кэмҥэ +2 кыраадыстан +5 кыраадыска тиийэ сылыйыаҕа. Бүлүү эҥэр улуустарга кулун тутар 19 күнүгэр +1 кыраадыс сылаас. Кулун тутар 20 күнүгэр +2 кыраадыс сылаас буолуоҕа, сигирээн, хаардаах ардах бэлиэтэниэҕэ.
Бүлүү эҥэртэн сылаас салгын Горнайы таарыйыаҕа. Чэппиэргэ манна 2 кыраадыс сылыйар. Сэрэдэҕэ +1 кыраадыс тымныы. Онон күүстээх сааскы ириэрии иһэр. Дьокуускай куоракка кулун тутар 19-20 күннэригэр күнүс -4, 0 кыраадыс тымныы бэлиэтэниэҕэ. Урукку кэмҥэ кулун тутар 22-23 күннэригэр ириэрии буолар эбит буоллаҕына, киин улуустарга быйыл эрдэлиэҕэ — кулун тутар 19-20 күннэригэр сылыйыаҕа. Покровскайга кулун тутар 22 күнүгэр +2 кыраадыс сылыйыаҕа. Сэрэдэ күн -3 кыраадыс тымныы, чэппиэргэ +2 кыраадыс буолуоҕа.
Онон сигирээн, хаардаах ардах Сунтаар, Бүлүү, Өлүөхүмэ, Горнай, Хаҥалас улуустарыгар уонна киин куоракка биллиэҕэ. Манна киһи соһуйара суох. Урукку да сылларга — кулун тутар 21-23 күннэригэр ардах түһэр этэ. Ийэ Айылҕа барахсан сыл аайы маннык түгэни хатылыыр.
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…