Хаартыска -- Ольга Пестерева түһэриитэ
Норуот синоптига Тускул «бу өрөбүллэргэ бары улуустарга ардахтаах, хаардаах тымныы күннэр буолуохтара» диэн сылыктаата.
«Күн-дьыл туруга уларыйбытынан сибээстээн, киин улуустарга сөкүүндэҕэ 14-15 м түргэннээх тыал түһүөҕэ. Онон үгүс киһи хахсаат күһүн кэнниттэн тута кыһын эмискэ кэлбитин курдук саныаҕа эрээри, кэлэр нэдиэлэ ортотуттан — сэрэдэттэн күн-дьыл тупсан, күүтүүлээх «Дьахтар сайына» сырдык күнүнэн «мичээрдээбитинэн» тиийэн кэлиэҕэ. Ол курдук, балаҕан ыйын 21-26 күннэригэр үтүөкэннээх ичигэс кэм үүнүөҕэ: күнүс +14 кыраадыска тиийэ сылыйыаҕа. Дьиҥэр, балаҕан ыйын 14-21 күннэригэр «Дьахтар сайына» кэлиэхтээҕэ да, «кыраапыгын кэстэ». Кылаабынайа, «сүппэтэ», баарын биллэрэн ааһыаҕа.
Оттон тымныы полюһунан аатырар Өймөкөөҥҥө «Дьахтар сайына» улаханнык биллиэ суоҕа. Манна балаҕан ыйын 21 күнүттэн улаханнык тымныйыаҕа. Түүн — 13-14 кыраадыс тымныы буолуоҕа, күнүс +2-3 кыраадыс эрэ сылыйыаҕа«, — диэн Тускул кэлэр нэдиэлэни сылыктаата. Онон Өймөкөөн улууһа дьыл ханнык да кэмигэр тымныытын биллэрэ, «дакаастыы» сытар эбит.
Оттон «Дьахтар быттанар кэмин» баттаһан, үгүс хаһаайкалар, бастатан туран, түннүктэрин сууйан, кыһыҥҥыга бэлэмниэхтэрэ, дьиэлээхтэрин сайыҥҥы таҥастарын бэрийэн ууруохтара, кыһыҥҥы таҥастарын ыраастаан, тэбээн чугаһатыахтара. Кытаатыҥ, үтүө кэми куоттарымаҥ!
Быйыл балаҕан ыйын 1 күнүттэн күүһүгэр киирбит саҥа бэрээдэгинэн, кыра суудунаны салайыыга дастабырыанньа 10 сыллаах…
Дьааҥы улууһа төрүттэммитэ 95 сылыгар аналлаах тэрээһиннэр чэрчилэринэн, сэтинньи 13 күнүгэр СӨ Суруйааччыларын сойууһун чилиэннэрэ: …
Сэтинньи 17 күнүгэр СӨ Идэлээх сойуустарын федерацията ыытар идэлээх сойуустар үлэһиттэрин күнүгэр анаммыт дэкээдэ чэрчитинэн,…
Бэйэ дьиэлэнииттэн туох да күндү суох. Бу этии ис хоһооно бүгүҥҥү Саха сирин олохтооҕор, ордук…
Сэтинньи 14 күнүгэр Дьокуускай куорат борокуратуурата силиэдэбэтэл хадатаайыстыбатын өйөөтө, онон суут 2007 с.т. Бүлүү улууһуттан…
Бүтэһик икки хонук иһигэр Күҥҥэ үһүс улахан эстиилэр буоллулар. Ол бүтэһик уон сылга саамай күүстээх…