Норуот синоптига Тускул сэтинньи 22 күнүттэн ахсынньы 4 күнүгэр диэри икки нэдиэлээх күн-дьыл туругун бүгүн «Тэтим» араадьыйаҕа билиһиннэрдэ.
— Аам-даам тымныы сэтинньи 25 күнүттэн түһээри турар. Онон киин улуустарга нэдиэлэ курдук түүн 40-тан тахса кыраадыс тымныйыаҕа. Күнүс 30-тан тахса кыраадыс тымныы буолуоҕа. Саамай тымныы күннэр — сэтинньи 20-30 күннэрэ. Онтон эмиэ арыый сылыйбытынан барыаҕа. Бүгүҥҥү күҥҥэ Бүлүү бөлөх улуустарга халлаан туруга кэминэн — түүн 30-тан тахса, күнүһүн 20-тэн тахса кыраадыс тымныы. Сэтинньи 25 күнүттэн 29 күнүгэр диэри тымныйыаҕа эрээри, киин улуустарга тэҥнээтэххэ, түүн 38 кыраадыс тымныы буолуоҕа, күнүс — 30 кыраадыс тымныы. Сэтинньи 29 күнүттэн манна сылыйыаҕа.
Өлүөхүмэҕэ бу күннэргэ түүн 30 кыраадыс тымныы, күнүс 20-чэ кыраадыс тымныы. Сэтинньи 27-30 күннэригэр манна тымныйан ылыаҕа — түүн 38, күнүһүн 30-32 кыраадыс тымныы. Кэбээйигэ сэтинньи 25 күнүттэн саҕалаан күүскэ тымныйаары турар. Манна түүҥҥү өттүгэр 40-тан тахса кыраадыс тымныы, күнүһүн 38-39 кыраадыс тымныйыаҕа. Ол эрээри ахсынньы саҥатыттан бу эҥэр эмиэ сылыйан барыаҕа.
Тымныы полюһунан биллэр Өймөкөөҥҥө сылаас күн-дьыл турар — түүн манна баара суоҕа 30 кыраадыс, күнүс 20-тэн тахса кыраадыс тымныы. Ол эрээри сэтинньи 26-29 күнннэигэр бу эҥэр 45-48 кыраадыска тиийэ күүскэ тымныйыаҕа. Ол кэнниттэн эмиэ сылыйыаҕа. Дьааҥыга түүн 40-ча кыраадыс, күнүс 38 кыраадыс тымныы. Сэтинньи 26 күнүттэн эмиэ биллэ тымныйыаҕа. Халыма-Индигиир улуустарыгар ичигэс күн-дьыл турар — күнүс 20-тэн тахса эрэ кыраадыс турар. Ол эрээри бу эҥэр сэтинньи 27 күнүттэн тымныйыаҕа гынан баран, күүстээх тымныы суох — күнүс 30-тахса кыраадыс тымныйыаҕа, түүн 38 кыраадыс тымныы.
Өлөөҥҥө түүн 40-ча кыраадыс тымныы турар. Күнүс 30-ча кыраадыс тымныы. Сэтинньи 28 күнүттэн манна сылыйыаҕа — түүнүн 32-33, күнүһүн 20-тэн тахса эрэ кыраадыс тымныйыаҕа. Тиксиигэ 30-тан тахса кыраадыс тымныы. Сэтинньи 29 күнүттэн манна сылыйыаҕа — түүнүн 27-28 кыраадыс, күнүһүн 20 кыраадыс тымныы.
"Айар" национальнай кинигэ кыһата сыл литературнай түмүктэрин ("Сыл бастыҥнара") билиһиннэрэр, эҕэрдэлиир долгутуулаах уонна үөрүүлээх тэрээһинэ…
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…