Тустуук Виктор Рассадин Чечняҕа буола турар турнир финалыгар таҕыста

Чечняҕа Ахмат-Хаджи Кадыров кэриэһигэр ыытыллар норуоттар икки ардыларынааҕы турнирга 70 киилэҕэ диэри ыйааһыҥҥа Виктор Рассадин финалга таҕыста. Бу туһунан СӨ сүүмэрдэммит хамаандаларын бэлэмниир киин иһитиннэрэр.

Финал аҥаарынааҕы киирсиигэ Рассадин Казахстантан сылдьар Санжар Досжановы 11:0 ахсааҥҥа кыайда.

Ол иннинэ Московскай уобаластан Ислам Кажаровы 10:0 ахсааҥҥа, Казахстантан Бек Жаксылыковы 11:0 ахсааҥҥа кыайбыта.

Финалга Иран тустууга Эбрахим Элахины кытта тустуоҕа. Элахи Азияҕа бастыыр иһин күрэхтэһии кыайыылааҕынан, аан дойдуга бастыыр иһин күрэхтэһии, Роман Дмитриев турнирын боруонса призердарынан буолар.

Финал аҥаарынааҕы киирсиигэ 92 киилэҕэ Ньургун Сергин туһунна. Кини Чечня бөҕөһө Юсуп-Хаджи Айдаевтан 7:1 ахсааҥҥа хотторо. Онон Сергин бүгүн. алтынньы 3 күнүгэр, боруонса иһин тустуоҕа.