«Тута» туһунан комикс таҕыста

«Тута» диэн ааттаммыт, байыаннай дьайыыга хорсун быһыыны көрдөрбүт Арассыыйа Дьоруойа Андрей Григорьев  туһунан араас иһитиннэриилэр дойду үрдүнэн киэҥник тарҕаныллар. Бу күннэргэ кырыктаах кыргыһыытын туһунан бастакы комикс-айымньы таҕыста.

Санаттахха, байыас кыргыһыы күүрээннээх күннэрин туһунан кэпсииринэн кини өстөөх тыылыгар хас да күн хаалан, соҕотоҕун утары киирсибит, бронетехниканы, сэрии сэптээх ыскылааттары дэлби тэптэрбит. Ол эрэ кэнниттэн бэйэтин дьонугар төннүбүт.

«Рыбарь» ТГ-ханаал «Однажды в Трудовом» диэн ааттаах комикс оҥорон таһаарда. Ханаал сүрүн үлэтин таһынан уус-уран электроннай графиканан дьарыктанар. «Рыбарь» ханаал комикстарынан байыаннай дьайыы зонатыгар ордук биллибит уонна чаҕылхай түгэннэри сырдаталлар.

Арассыыйатааҕы «Рыбарь» ханаал 1,28 мөл. сурутааччылаах уонна аан дойду үрдүнэн биир саамай аптарытыаттаах аналитическай ханаалынан буолар. Арассыыйа Дьоруойун туһунан комикс олунньу 13 күнүгэр сүрэхтэммитэ. Комиксы толору манна киирэн көрүөххэ сөп.