Тыа хаһаайыстыбатын министиэристибэтэ балыыһаҕа сытар саллаатарга олохтоох аһы-үөлү тиэртэ
25.10.2022, 10:20
Бөлөххө киир:
СӨ Тыа хаһаайыстыбатын министиэристибэтэ олохтоох сибиэһэй аһы-үөлү дойду киин куоратыгар балыыһаларга сытар саллааттарга тиэртэ.
Ааспыт нэдиэлэҕэ Тыа хаһаайыстыбатын министиэристибэтэ Нам улууһун «Эрэл» тыа хаһаайыстыбатын кооперативыттан эт аһы атыыласпыта. Ас-үөл Москваҕа балыыһаҕа сытар Саха сирин саллааттарыгар тиэрдилиннэ.
Министиэристибэҕэ мобилизацияламмыттарга көмөлөһөргө анаан суһал бөлөх тэриллибитэ. Олохтоох бородууксуйанан балыыһаҕа сытар саллааттары өйүүргэ быһаарыы ылыллыбыта.
Санатан эттэххэ, СӨ Ил Дархана Айсен Николаев сорудаҕынан, Саха сириттэн суһал хомуурга ыҥырыллыбыттары экипировканан, наадалаах малынан хааччыйарга өрөспүүбүлүкэ суһал ыстааба тэриллибитэ.
Тыа хаһаайыстыбатын министиэристибэтэ Тырааныспар министиэристибэтин кытта бииргэ аһы-үөлү анаммыт пууҥҥа диэри тиһиктээхтик тиэрдии боппуруоһун чочуйар. «Москваҕа балыыһаҕа сытар саллааттарга тыа хаһаайыстыбатын бородууксуйатын босхо тиэрдии боппуруоһун «Якутия» авихампаанньаны кытта быһаарабыт«, — диэн быһаарар Тыа хаһаайыстыбатын миниистирэ Александр Атласов.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: