Василий Кононов хаартыската
Ил Түмэн алтыс ыҥырыытын дьокутааттарын уочараттаах 42-c пленарнай мунньаҕар Тыа хаһаайыстыбатын сорох боломуочуйаларын олохтоох салайыныыга биэрэр туһунан «565-6 №-дээх «Саха Өрөспүүбүлүкэтээҕи муниципальнай оройуоннарын уонна куораттааҕы уокуруктарын олохтоох салайыныы уорганнарыгар тыа хаһаайыстыбатын оҥорон таһаарыытын өйөөһүҥҥэ туспа судаарыстыбаннай боломуочуйалары биэрии туһунан» сокуон бырайыагын көрдүлэр.
Сүрүн дакылааты тыа хаһаайыстыбатын миниистирин солбуйааччы Николай Афанасьев оҥордо. Кини Саха Өрөспүүбүлүкэтин 565-6 №-дээх сокуонун барыла өрөспүүбүлүкэ бүддьүөтүттэн олохтоох бүддьүөккэ бэриллэр субвенция кээмэйин ааҕыы методикатыгар уларытыылар кииирбиттэринэн, субвенция кээмэйин ааҕыыны муниципальнай оройуон (куорат уокуругун) олохтоох бэйэни салайыныы уоргана олохтууругар туспа судаарыстыбаннай боломуочуйалары биэрбиттэринэн сибээстээн оҥоһулунна диэн эттэ.
Бу сокуон ылылыннаҕына кэтэх хаһаайыстыбалары өйүүр, ыанар ынахха субвенция кээмэйин 35 тыһыынча солкуобайтан 37 тыһыынча солкуобайга диэри улаатыннарыы киирэн, дохуот ортотунан 27 бырыһыан үрдүүрүн ситиһиэхтэрэ.
Ону сэргэ оҥорон таһаарыыны уонна бородууксуйаны астааһын субвенция кэриҥин ааҕыы методикатыгар уларытыылар киирдилэр. Холобур, нуорманан ыаныллыбытынан биир туонна үүккэ 50 тыһыынча солкуобайтан 60 тыһыынча солкуобайга тиийэ улаатыа. Нормативы улаатыннарыы өрөспүүбүлүкэҕэ ынах сүөһү иитиитинэн дьарыктанар тэрээһиннээх хаһаайыстыбаларга биир төбөҕө ночоотторун аччатыыны 46 бырыһыан, эбэтэр биир төбөҕө 24 тыһыынча солк. диэн суоттанна.
Норуот дьокутаата Вячеслав Куличкин Мэҥэ Хаҥалас олохтоохторо быйылгы сыллааҕы үүт субсидията хаһан кэлэрин, тоҕо тардыллыбытын ыйыталларын эттэ.
Онуоха Николай Афанасьев сокуон ылылынна, боломуочуйалары биэрии бүттэ даҕаны, муус устар 1 күнүгэр диэри бары улуустарга субсидия харчыта тиийиэ диэн эппиэттээтэ.
«СӨ муниципальнай оройуоннарын уонна куораттааҕы уокуруктарын олохтоох салайыныы уорганнарыгар тыа хаһаайыстыбатын оҥорон таһаарыытын өйөөһүҥҥэ туспа судаарыстыбаннай боломуочуйалары биэрии туһунан» бүтэһиктээх ааҕыыга ылылынна.
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…