Тыа сирин дьахталларын күнүгэр сэминээр ыытыллыаҕа

Тыа сирин дьахталларын күнүгэр сэминээр ыытыллыаҕа

17.11.2022, 17:09
Бөлөххө киир:

Сарсын, сэтинньи 18 күнүгэр, Ийэ сылын чэрчитинэн Дьокуускайга Тыа сирин дьахталларын аан дойдутааҕы күнүн бэлиэтээһин тэрээһинигэр өрөспүүбүлүкэ улуустарыттан 80 дьахтар кыттыыны ылыаҕа.

«Ийэ сылыгар хас биирдии дьахтар ийэ эрэ быһыытынан буолбакка,  бары кэрэхсиир эйгэтигэр сыстан, тус бэйэтин ис кыаҕын туһанарын ситиһэрин өйүүр сорук турар.  Оччотугар кини оҕолорун олох сайдыытын түстүүр саҥа саҕахтарга сирдиэҕэ»,- диэн бэлиэтээн турар Ил Дархан Айсен Нитколаев. Сэминээри тэрийээччи — быйыл төрүттэммитэ 100 сылын бэлиэтиир Тыа хаһаайыстыбатын министиэристибэтэ.

Бүгүҥҥү күҥҥэ тыа хаһайыстыбатын салаатыгар 2 тыһыынчаттан тахса дьахтар үлэлиир.  Ол иһигэр, 115 дьахтар — тэрилтэ  салайааччыта, 429 дьахтар — бааһынай хаһаайыстыба салайааччыта,  180 – массыынанан ынах ыаһын оператора,  400-тэн тахса – чуум үлэһит.

Тыа сирин дьахталларын көрсүһүүтүгэр нэһилиэнньэни аһынан-үөлүнэн хаччыйыы, туризмы уонна агротуризмы сайыннарыы уонна да атын үгүс суолталаах боппуруостар көрүллүөхтэрэ. Сэминээр кыттыылаахтара үлэ уопутун атастаһыахтара.

Хаартыска — СИА.

Лента
Салгыы
29 января
  • -45°C
  • Ощущается: -45°Влажность: 64% Скорость ветра: 0 м/с

Сообщить об опечатке

Текст, который будет отправлен нашим редакторам: