Хаартыска: SakhaGov
Арассыыйаҕа доруобуйа харыстабылын биир сытыы кыһалҕатынан ыраах сытар улуустарга мэдиссиинэ тэрилтэлэрин каадырдарынан хааччыйыы буолар.
-«Тыа сирин дуоктара», «Тыа сирин биэлсэрэ» бырагыраамалар олоххо киллэриллиэхтэриттэн ыла тыа сирин нэһилиэнньэлээх пууннарыгар, куорат тииптээх бөһүөлэктэргэ уонна 50 тыһыынчаҕа тиийэ нэһилиэнньэлээх дьоҕус куораттарга 1 396 исписэлиис тардылынна.
1 200 быраастан 823-һэ улуустарга, ол иһигэр Арктикаҕа, барбыттара. Ону сэргэ 196 биэлсэр биэлсэр-акушер пууннарыгар (47 -– Арктика зонатыгар баар) үлэлии кэлбитэ, -– диэн СӨ доруобуйа харыстабылын миниистирэ Лена Афанасьева иһитиннэрдэ.
2024 сылга биир кэлим төлөбүрү биэрэргэ 234 мөлүйүөн солкуобайдаах үбү федеральнай бүддьүөттэн уонна «2020-2024 сылларга доруобуйа харыстабылын сайыннарыы» СӨ судаарыстыбаннай бырагырааматыттан ылыллара былааннанар.
«Мин «Тыа сирин дуоктара» бырагыраамаҕа кыттыбыппыттан олус үөрэбин. Улахан Ааны олус сөбүлээтим, манна үтүө санаалаах дьон олорор, айылҕата олус кэрэ! Учаастактааҕы амбулатория модульнай дьиэтэ былырыын доруобуйа харыстабылын бастакы сүһүөх звенотун модернизациялааһын бырагырааматын чэрчитинэн тутуллубута. Амбулатория дьиэтэ мэдиссиинэ тэриллэринэн уонна миэбэллэринэн толору хааччыллан, түмүктээх үлэҕэ усулуобуйата барыта тэрилиннэ», -– диэн Хаҥалас улууһун Улахан Аан сэлиэнньэтин быраас амбулаториятын уопсай быраактыка бырааһа Яна Дмитриева санаатын үллэһиннэ.
Быйыл бу бырагыраамаҕа 138 исписэлииһи, ол иһигэр 112 бырааһы, кытыннарыы былаанныыллар. Владимир Путин көҕүлээбит «Доруобуйа харыстабыла» национальнай бырайыак көмөтүнэн өрөспүүбүлүкэҕэ бу хайысханан үлэ салҕаныаҕа.
Ааспыт сууккаҕа өрөспүүбүлүкэҕэ буруйу оҥоруу түөрт түбэлтэтэ тахсан, СӨ Борокуратууратын хонтуруолугар ылылынна. Нам улууһугар Бүтэй…
Бүгүн Энэргиэтик күнэ бэлиэтэнэр. Бу бэлиэ күнүнэн Ил Дархан Айсен Николаев энэргэтиичэскэй тиһик үлэһиттэрин, бэтэрээннэрин…
Элэктэриичэстибэ уотуттан, ититииттэн биһиги олохпут быһаччы тутулуктаах. Онон, Саха сирин курдук тыйыс усулуобуйалаах дойдуга энэргиэтикэ …
Бу күннэргэ Сунтаар улууһун Элгээйи нэһилиэгин Уйбаан Нуолур аатынан модельнай бибилэтиэкэҕэ үгэс буолбут сылын аайы…
Бүгүн, ахсынньы 22 күнүгэр, өрөспүүбүлүкэ арҕаа, соҕуруулуу-илин, соҕуруу өттүгэр кыралаан хаардыаҕа, киин оройуоннарга сорох сиринэн…
Бүгүн Саха цииркэтигэр сылга биирдэ ыытыллар дьоро күн буолла – Ил Дархан үгэскэ кубулуйбут Харыйата.…