Улахан кылаас оҕолоругар төрүт многоборье көрүҥнэригэр «Үрүҥ уолан» күрэс кулун тутар 18 күнүгэр Нам улууһун Түбэ нэһилиэгэр ыытыллыаҕа. Турнир уон ахсыс төгүлүн буолар уонна күрэһи төрүттээччи, СӨ үөрэҕириитин туйгуна Петр Попов сырдык кэриэһигэр ананар.
Уолаттар биэс көрүҥҥэ киирсиэхтэрэ — тутум эргиир, мас тардыһыы, хапсаҕай, кууллаах сүүрүү уонна үс куобах. Хас биирдии көрүҥҥэ кыайыылаахтар тахсыахтара, кинилэр бары сыаналаах бирииһи тутуохтара. Оттон муҥутуур кыайыылаах 50 000 солк., иккис миэстэ — 30 000 солк., үһүс миэстэ 20 000 солк. уу харчынан наҕараадаланыахтара.
«Бу тэрээһини биһиги аҕабыт уон биэс сыл устата тэрийбитэ. Кини оҕолору иитии-такайыыга, успуорка уһуйууга элбэх сыратын уурбута. Билигини күрэһи биһиги салгыыбыт. Бу сыллар тухары «Үрүҥ уолан» оскуола саастаах уолаттарга «Дыгын оонньууларыгар», араас өрөспүүбүлүкэтээҕи уонна Арассыыйатааҕы күрэстэргэ кытталларыгар трамплинынан буолбута. Оскуолаҕа үөрэнэ сылдьан «Үрүҥ уолаҥҥа» биллэр многоборецтар Артем Варданян, Антон Тойтонов, Роман Заровняев, Василий Дедов, Вячеслав Дьяконов уо.д.а. кыайан, миэстэлэһэн тураллар», — диэн тэрийээччи, Петр Попов улахан уола Николай Попов кэпсиир.
«Үрүҥ уолан» өрөспүүбүлүкэтээҕи турнир Нам улууһун дьаһалтатын, СӨ Успуорка уонна физическэй култуураҕа министиэристибэтин, «Модун» Баһылай Манчаары аатынан успуорт национальнай көрүҥнэрин киинин уонна спонсордар өйөбүллэринэн ыытыллар.
Турнирга кыттарга сайаапканы кулун тутар 16 күнүгэр диэри туталлар.
Билсэр төл.: +7 (965) 996-38-81
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…