СИА хаартыската
Ыраахтан олорон албыннааччылар харчы ылар туһуттан араас албастара элбэх.
Дьокуускай үс олохтооҕун угаайыларыгар киллэрэннэр, 1,5 мөл. солк. тахса харчыны түөкүттэр «көтүтэн ылбыттар».
Диспетчерскэй сулууспа үлэһитэ кэпсээбитинэн, киниэхэ иһитиннэрии кэлбит. Биллэн турар, түргэнник уонна чэпчэкитик харчыланыахха сөп диэн. Эмсэҕэлээччи ону истибит, итэҕэйбит уонна билбэт киһитин ыйыытынан саайтка регистрацияламмыт, төлөпүөнүгэр сыһыарыыламмыт уонна харчытын укпут, туох этиллибитин, ыйыллыбытын толорбут. Биллэн турар, аккауна блоктаммыт, билбэт киһитин кытары суруга сотуллан хаалбыт. Ол түмүгэр бу киһи 509 тыһ.солк. мэлийбит.
Оттон 73 саастаах биэнсийэлээх дьахтар рекламаны көрөн, харчылаһаары ссылканан киирбит. Онуоха күүттэрэ барбакка, киниэхэ инвестиционнай хампаанньаттан эрийэр аатырбыттар. Чэпчэкитик харчылаһар туһунан кэпсээбиттэр. Ол түмүгэр, эмсэҕэлээччи сымыйа брокер тугу этэрин толорбут, төлөпүөнүгэр хас да сыһыарыыламмыт уонна, дьэ, харчытын уган барбыт. Түөкүттэр сүбэлэринэн өссө кирэдьиит ылбыт уонна харчытын ыйыллыбыт счекка ыыппыт. Онтон дохуотун ылаары гыммытыгар, мэктиэһит көрдөөн турбуттар. Онуоха бу эмсэҕэлээччи ыалын ыйан биэрбит. Аны, ыалынаан түөкүттэр счеттарыгар харчы ыыппыттар. Ол кэннитэн баан үлэһиттэрэ саарбах операцияны бэлиэтии көрөн тохтопуттар уонна кинилэр түөкүттэр угаайыларыгар киирэн биэрбиттэрин туһунан иһитиннэрбиттэр. Бу кэмҥэ эмсэҕэлээччи номнуо 504 тыһ. түөкүттэргэ ыытан олорор эбит.
Түөкүттэр, аны, «Энергосбыт» үлэһиттэрэ аатыран предприниматель киһиэхэ төлөпүөннээбиттэр. Счетчигын уларытар наада буолбутунан, сайаапка суруйарыгар эппиттэр. Эмсэҕэлээччи итэҕэйэн, төлөпүөнүгэр кэлбит коду этэн биэрбит. Ол кэнниттэн баан сымыйа үлэһитэ эрийэн бааны кытары үлэлэспэтэҕинэ счета, баайа-дуола кутталланарын туһунан куттаабыт. Ол түмүгэр, эмсэҕэлээччи түөкүттэр ыйалларын-кэрдэллэрин толорбут, кинилэр счеттарыгар 500-тэн тахса тыһ.солк. ыыппыт.
Ытыктабыллаах гражданнар! Төлөпүөҥҥүтүгэр билбэт нүөмэргититтэн эрийдэхтэринэ ылымаҥ, билбэт дьоҥҥутун кытта кэпсэтимэҥ. Төлөпүөнүнэн билбэт дьоҥҥут тугу этэллэрин, ыйалларын-кэрдэллэрин толорумаҥ. Түөкүттэр араас угаайыларыгар киирэн биэримэҥ!
СӨ ИДьМ пресс-сулууспата
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…