Түөкүттэргэ албыннатан дьахтар Кыһыл болуоссакка салют ыппыт

Ахсынньы 25 күнүгэр аан дойду саамай киин куоратыгар, Москваҕа, Саҥа дьыл иннинэ аҕам саастаах дьахтар салют ыппыт.

Биэнсийэлээх дьахтар 10 мөлүйүөн солкуобай харчытын түөкүттэргэ албыннатан, харчытын төнүннэрээри Кыһыл болуоссакка салют ыппыт. Бу түбэлтэ киһи итэҕэйбэт дьыалата буолан таҕыста. Ол курдук, түөкүөттэр дьахтарга ФСБ үлэһиттэрэ буолан кубулунан эрийбиттэр уонна кини харчытын тас дойдулар спонсор быһыытынан туһаналларын туһунан иһитиннэрбиттэр. Дьахтар ууруна сыппыт харчытын барытын ыйбыт счеттарыгар ыыппыт, аны туран эбии кирэдьиит ылан биэрбит. Манан түөкүттэр тохтооботохтор, ол иһин дьахтар кырбартыыратын солуок быһыытынан биэрэн улахан суума харчыны ылбыт. Түмүгэр дьахтар 9 мөл. солк. кэриҥэ харчытын уордарбыт.

Ол кэннэ түөкүттэр дьахтары харчытын төнүннэргэ дойду сүрүн харыйатын иннигэр салют ытарыгар модьуйан эрэннэрбиттэр. Күлүгээнээһин ыстатыйанан холуобунай дьыала тэрилиннэ.

Бырааһынньык күннэригэр түөкүттэр дьону албынныыр түгэннэрэ элбиирэ бэлиэтэнэр, онон ордук сэрэхтээх буоларгытыгар, сымыйа сурахтарга, сонуннарга итэҕэйбэккитигэр ыҥырабыт.