Олунньу 11 күнүгэр Өймөкөөҥҥө “Тымныы полюһа” диэн экстремальнай сүүрүү буолуоҕа. 40-45 кыраадыс тымныыга спорсменнар 42 уонна 21 килэмиэтири сүүрүөхтэрэ. Кыайыылаахтарга 100 уонна 50 тыһыынча солкуобайы туттарыахтара.
Сүүрүүгэ 100-тэн тахса Саха сириттэн, Волгоградтан, Пермьтэн, Уфаттан, о.д.а. биллэр-көстөр спортсменнар кыттарга сайаапкаласпыттар. Кинилэр истэригэр сверхмарафоҥҥа Арассыыйа чөмпүйүөнэ Изабелла Борисова, 100 килэмиэтиргэ сүүрүүгэ Арассыыйаҕа 4-с миэстэлээх Александр Моедо, “Тымныы полюһа” марафон икки төгүллээх кыайыылааҕа Василий Лукин бааллар.
— Марафону идэтийбит спортсменнар, сүүрүүнү таптааччылар, көннөрү туристар олус интэриэһиргииллэр. Кыттааччыларга төһөнүн тымныы буолар да, соччонон үчүгэй. Кинилэр анкетаны толороллоругар бэйэлэрин тургутан көрүөхтэрин баҕаралларын туһунан суруйбуттар. Хаһыс да төгүлүн кыттар дьон урукку ситиһиилэрин тупсарар сыаллаахтар, —— диэн марафон толорооччу дириэктэрэ Саргылаана Неустроева кэпсээтэ.
Сүүрүү наука өттүнэн эмиэ интэриэһинэй. Исписэлиистэр спортсменнар марафон иннинээҕи уонна кэннинээҕи туруктарын бэрэбиэркэлээн, тыйыс усулуобуйаны хайдах тулуйалларын, доруобуйаларыгар тымныы хайдах дьайарын кэтээн көрүөхтэрэ. Ону тэҥэ, туох анал таҥас сөп түбэһэрин чинчийиэхтэрэ. Марафон генеральнай спонсора – BASK хампаанньа.
Манна Саха сирин быыһыыр сулууспата уонна доруобуйа харыстабылын министиэристибэтэ тэрээһин куттала суох ыытылларын хааччыйыахтара. Өймөкөөнтөн Томторго тиийэ сэттэ сылаас балааккалары туруоруохтара, аһынан-үөлүнэн хааччыйыахтара, судьуйалар массыынанан арыаллыылларын тэрийиэхтэрэ.
Ленскэйтэн төрүттээх Елизавета Дерменжи киокусинкайга Аан дойду Куубагар үс бастыҥ иһигэр киирэн, боруонса мэтээл кыайыылааҕынан…
Норуот сомоҕолоһуутун күнүгэр Дьокуускайга А.Е. Кулаковскай аатынан Норуоттар доҕордоһууларын дьиэтин былаһааккатыгар сыл аайы ыытыллар «Улахан…
Бу соторутааҕыта Мэҥэ Хаҥалас 1 Наахара нэһилиэгэр – Тиэлиги бөһ. чугастан, ыраахтан мустан, аатырбыт Кэҥэримэ…
Өлүөхүмэ улууһун Кыыллаах нэһилиэгин олохтоохторун күүһүнэн уһуллубут «Тулаайах кыыс» киинэ көрөөччү дьүүлүгэр таҕыста. Уус-уран киинэ…
2026 сыл саҕаланыаҕыттан Арассыыйаҕа дьиэ кэргэҥҥэ аналлаах нолуоктан төлөбүр баар буолуоҕа. Бу туһунан сенатор Игорь…
Бүгүн, Норуот сомоҕолоһуутун күнүгэр, Арассыыйа Бэрэсидьиэнэ Владимир Путин дойдубут култуурунай нэһилиэстибэтин харыстыырга уонна элбэх омук…