Хаартыска: Семен Сивцев-Өймөкөөн Сэмэнэ тиксэриитэ.
Бу күннэргэ Тымныы хаһаайына Чысхаан Тымныы полюһуттан Өймөкөөнтөн айанаан, дойду тэбэр сүрэҕэр Москваҕа тиийэн Пиэрибэй телеханаал ыытааччыта Елена Малышева «Жить здорово!» биэриитигэр кытынна.
Чысхаан — Тымныы полюһа Өймөкөөн улууһун туристическай брендинэн буолар. Чысхаан уобараһын сирэйдиир, киэҥ араҥаҕа билиһиннэрэр Өймөкөөн улууһунааҕы култуура уонна туризм сайдыытын управлениетын методиһа Семен Сивцев-Өймөкөөн Сэмэнэ бу бэлиэ түгэн туһунан маннык кэпсээтэ:
— Пиэрибэй телеханаал ыытааччыта Елена Малышева ыҥырыытынан Тымныы полюһа Өймөкөөн улууһуттан Москуба куоракка Чысхааны «Жить здорово!» аатырбыт биэриигэ уһуллулар. Саҥа дьыллааҕы биэриигэ хоту сир төрүт аһын туһунан кэпсэтии буолла. Ордук кыһыы балык уонна тоҥ балыктан оҥоһуллар «Индигииркэ» салаат туһатын туһунан бэрт сиһилии быһааран кэпсээтилэр. Ол курдук «Жить здорово!» биэрии быраастара «Индигииркэ» салаат ордук сүрэххэ олус туһалаах аһылык буоларын тоһоҕолоон бэлиэтээтилэр.
Биэриигэ Саха сирин аатыттан Чысхааны арыаллааһыҥҥа Москваҕа үөрэнэр устудьуоннар үҥкүү бөлөхтөрө кыттыыны ылла. Саха куукунатын уонна үгэстэрин туһунан Москубаҕа олорон үлэлиир суруналыыс Альбина Пермякова көрөөччүлэргэ саха аһын туһунан билиһиннэрдэ.
Оттон Саха сирин постпредствотын юриһа Илья Жирков хомуска оонньоон эҕэрдэлээтэ, саха култууратын билиһиннэрдэ. Чысхаан ыытааччыга «Индигииркэ» салааты астааһыҥҥа сүбэ-ама биэрдэ уонна үгэһинэн Саха сирин дьонун аатыттан үүнэн иһэр Саҥа 2025 сылынан итии истиҥ эҕэрдэтин тиэртэ.
Тымныы хаһаайынын Чысхаан Москубатааҕы сырыыта салгыы салҕанар. Ол курдук, сарсын, ахсынньы 1 күнүгэр, ВДНХ-ҕа буолар Саҥа дьылллааҕы харыйалары күлүмүрдэтии тэрээһиҥҥэ кыттыыны ылыаҕа, онтон кэлэр нэдиэлэҕэ Москубатааҕы Тымныы Оҕонньоттор уһаайбаларыгар буолар тэрээһиҥҥэ кыттыаҕа. Дьэ, ити курдук, улуу куораппытыгар Москваҕа кыһыҥҥы туризм брендинэн буолбут Тымныы полюһа Өймөкөөн Чысхаана уонна «Индигииркэ» салаат Саха сирин дорҕоонноохтук ааттата сылдьаллар!
Мукучу нэһилиэгэр Айыыһыт ыйын баттаһа муус устар 19 күнүгэр байыаннай дьайыы кыттыылаахтарыгар уонна кинилэр дьиэ…
Саха сиригэр уон сылга биирдэ ыытыллар физкултуураҕа Бүтүн Арассыыйатааҕы олимпиада түмүктүүр түһүмэҕин көрөөрү “Өрөгөй” спортсменнары…
Иһинэн-таһынан, дьалкытан, элбэх ууну кутартан буорга баар сибэккигэ олус наадалаах битэмииннэр, иҥэмтэлээх эттиктэр суураллаллар. Көһүйэ…
Бүлүү умнаһынааҕы улуустарга балаһыанньа хайдаҕый? СӨ Тыатын хаһаайыстыбатын уонна ас-үөл бэлиитикэтин министиэристибэтэ “СӨ муниципальнай…
Бүгүн, муус устар 20 күнүгэр, "Саха" ГТРК "Вместе с Айсеном Николаевым" биэриини 19:00 ч. көрдөрүөхтэрэ.…
Бу күннэргэ Өлүөнэ Эбэҕэ үлэ саамай суолталаах уонна көдьүүстээх көрүҥэ –мууһу эрбээһин уонна хараардыы ыытылла…