Быыһанаары түннүгүнэн …

Сэтинньи 18 күнүгэр сарсыарда 04.00 ч. чугаһыгар Кузьмин уул. элбэх кыбартыыралаах дьиэҕэ олорор дьахтар 3 №-дээх полиция отделыгар төлөпүөннээбит.

Кини таһырдьа дьахтар хаһыытыырын истэн, болкуоҥҥа тахсыбыт уонна дьахтар түннүгүнэн түһэн эрэрин көрбүтүн тыллаабыт. Тута суһал көмөҕө уонна полицияҕа төлөпүөннээбит.

Билигин эмсэҕэлээччиттэн уонна быһылааны көрбүттэртэн чопчулаһыы ыытыллар. Ону сэргэ, 29-таах дьахтар этигэр-сиинигэр ылбыт эчэйиитин быһаарарга суут-мэдиссиинэ эспэртиисэтин ыытыы боппуруоһа быһаарыллар. Кини улаханнык билбэт киһититтэн кырбаммытын, быыһанаары түннүгүнэн куотарга күһэллибитин эппит.

Суһал-ирдиир үлэлэр ыытыллаллар.

СӨ ИДьМ пресс-сулууспата