Учуонайдар билгэлииллэр: 2025 сыл саамай куйаас сылынан буолуон сөп

Саҥа глобальнай чинчийии көрдөрбүтүнэн уонна «Berkeley Earth» сурунаалга бэчээттэммитинэн Сиргэ салгын температура улаатар.

2025 сылга муус устар ыйа иккис саамай сылаас салгыннаах ыйынан буолбут, оттон сыл бастакы түөрт ыйдааҕы орто температурата индустриальнай иннинээҕи таһымтан муҥутуур 1,5°С кирбиигэ чугаһаабыт. Бу аан дойду учуонайдарын иккис сылын субуруччу долгутар. Бу саас муус устар ыйа 1850 сылтан ордук сылаас салгыннааҕынан билиннэ уонна сыл ахсын салгын температурата эбиллэн иһэринэн учуонайдары долгутар.

Чинчийии көрдөрүүтүнэн, сылыйыы аан дойдуну барытын таарыйар, ол эрээри, атын эрэгийиэннэринэн ордук биллэрдик бэлиэтэммит. Холобур, Ираҥҥа муус устар ыйга саамай куйаас ыйынан буолбут уонна эрдэ олохтоммут рекорду аһардыбыт. Дойдуга салгын температурата 1960 сылтан 2°С эбиллибит.

Европаҕа орто салгын температура 9,38°С көрдөрүүлэммит, Антарктика уонна Арктика мууһа ууллар — иэнэ 3% уонна 10% аччаабыт. Айылҕа алдьархайа эбиллэн иһэр — күүстээх ардах кэннэ Европа ууга барбыт, оттон Хотугу Америка кураантан эрэйдэнэр. Учуонайдар 2025 сылы устуоруйаҕа саамай итии сылынан буолуо диэн сабаҕалыыллар. Ону тэҥэ 52%-нан сылга орто температура 1,5°С кирбиитин аһарыа диэн сабаҕалааһын баар. Бу туһунан «Моя планета» суруйар.