“Саха сирин норуоттарын ассамблеята” уопсастыбаннай хамсааһын 2022 сылга култуурунай саҕалааһыннары өйүүр Арассыыйа Бэрэсидьиэнин пуондатын бастакы куонкуруһугар Норуоттар сомоҕолоһууларын пуорумун тэрийэр бырайыага кыайыылааҕынан тахсыбыта.
Бу бырайыак Норуот сомоҕолоһуутун күнүгэр олоххо киирдэ. Ол курдук, Өксөкүлээх Өлөксөй аатынан норуоттар доҕордоһууларын дьиэтигэр “Саха сирэ сомоҕолуур. Ыччат омук – инники кэскилэ” Уһук Илин эрэгийиэннэрин норуоттарын улахан пуорума буола турар. Тэрээһин чэрчитинэн пленарнай мунньах, санаа атастаһыы былаһааккалара, омуктар бэйэ-бэйэлэрин өйдөһүүлэригэр сыһыаннаах төгүрүк остуол, норуоттар култуураларыгар сыһыаннаах ыччат ситиһиилээх бырайыактарын быыстапка-биһирэмэ ыытыллыахтара. Ыччаттар Арассыыйа норуоттарын култуураларыгар сыһыаннаах бэйэлэрин айымньылаах санааларын, толкуйдарын, көҕүлүүр бырайыактарын билиһиннэриэхтэрэ. Пуорумҥа Арассыыйа норуоттарын ыччаттарын ассамблеяларын отделениеларын чаҕылхай бэрэстэбиитэллэрэ Москваттан, Хабаровскайтан, Петропавловскайтан, Владивостоктан, Магадаантан, Омскайтан, Дьокуускайтан кыттыыны ылаллар.
Пуорум Саха сирин норуоттарын ассамблеятын уонна Уһук Илин Федеральнай уокуругун норуоттарын ассамблеятын икки ардыгар бииргэ үлэлээһиҥҥэ илии баттаһыынан түмүктэниэҕэ.
Ааспыт өрөбүл күннэргэ Дьокуускай биэс олохтооҕо түөкүттэргэ түбэспиттэрин туһунан полицияҕа сайабылыанньа суруйбуттар. Бу туһунан ИДьМ…
РФ Бэрэсидьиэнэ Владимир Путин 2026 сылы Арассыыйа норуоттарын сомоҕолоһууларын сылынан биллэрдэ. Бэрэсидьиэн тыл этэригэр, норуоттар…
СӨ Ил Дархана Айсен Николаев Олохтоох салайыныыны сайыннарыы Бүтүн Арассыыйатааҕы Ассоциациятын (ВАРМСУ) VIII сийиэһигэр Үрдүкү…
Дьокуускайга ахсынньы 21 күнүгэр диэри ГАИ патруллара күүһүрдүллүбүт эрэсиимнээх үлэҕэ көстүлэр. Сүрүн төрүөтэ – 11…
Михаил Варламов саха профессиональнай боксатын устуоруйатыгар аан бастаан Азия чөмпүйүөнүнэн буолла. Саха күрэсчитэ уон раундтаах…
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан бэнидиэнньиккэ, ахсынньы 8 күнүгэр,…