«Үлэ кыбартаала» кластер аһыллыытын кэмигэр ыытыллыбыт экскурсияҕа Уһук Илин уонна Арктика сайдыытын миниистирэ Алексей Чекунковка резиденнэр бэйэлэрин кыахтарын көрдөрөн, соһуталлара элбээн истэ.
Бэрт үгүс киһи сөҕөр бырайыактаах ыччаттар элбээбиттэр да эбит. Ол курдук, үгүстэн биири холобурдаатахха,
«Егор Чээрин» киинэ сценариһа, XR-устуудьуйа салайааччыта Дмитрий Кольцов көмпүүтэргэ араас хаартысканы, киинэни уган, сүүнэ улахан экраҥҥа оонньотон, бэртээхэй киинэ каадырын устуохха сөбүн көрдөрдө.
Миниистир Алексей Чекунков Саха сирин ыччаттара толкуйдарын үрдүк таһымын анаан бэлиэтээтэ. Бэл, киинэ устар устуудьуйаҕа биир каадырга кытта уһуллан ылла. Сахабыт сирэ маннык сатабыллаах резиденнэри үүннэрэн таһааран, сайдыы тосхолун түстүө да буоллаҕа.
Саҥаттан саҥа устуудьуйаҕа киирэн, киһи санаалыын көтөҕүллэн тахсар. Биир саалаҕа Дмитрий Кольцов киинэ уһулар буоллаҕына, иккискэ «YAKUTIAN STARS entertainment» устуудьуйа салайааччыта,
продюсер, композитор
Семен Ченянов ырыа устар, үһүс саалаҕа «Туундара» анимация бырайыагын салайааччыта, худуоһунньук Анна Борисова «Тымныы оҕуһа» мультипликационнай киинэни устар. Ити курдук, киһи 60 резидени барытын да кэрийдэҕинэ бүгүн бүппэт.
Биир тылынан, айыахха-тутуохха үчүгэй да кластер эбиккин, «Үлэ кыбартаала» кластер!
Бүгүн, балаҕан ыйын 8 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн…
Бу нэдиэлэҕэ үп-харчы эйгэтигэр сүрүн тосхол – сылыктааһын уонна сааһыланыы. Күн уонна Меркурий Кыыс бэлиэтигэр…
Саха сирин синоптиктара билгэлииллэринэн, бүгүн, балаҕан ыйын 8 күнүгэр, Саха сирин соҕуруу улуустарыгар кыралаан ардыыр,…
Бүгүн социальнай ситимҥэ Үөһээ Бүлүү улууһугар оҕуруоттарыттан арбуз бөҕөтүн хомуйбут ыал хаартыскалара тарҕанна. Ол курдук…
Уруйдаана бүгүн үлэтиттэн арыый эрдэ бүтэн, аргыый аҕай дьиэтин диэки хааман истэ. Үлэ чааһа бүтэн,…
“Күһүн оҕуруот аһын кэнсиэрбэлээбиппит да иһин уурар сирбит суох” диэн элбэх киһи этэр. Умуһаҕа суох…