Хаартыска: СӨ Аҕа баһылыгын уонна Бырабыыталыстыбатын пресс-сулууспата.
Күрэхтэһиигэ кыттыы сүрүн ирдэбилэ — Уһук Илинҥэ сырыы туһунан 8 мүнүүтэҕэ диэри кылгас киинэ устан, дьүүллүүр сүбэ сыанабылыгар туттарыахтааххын.
Куонкуруска уон саастарыттан саҕалаан кытталлар. Биллэн турар, оҕо улахан киһи көрүүтүнэн-истиитинэн кыттар. Онон сааһынан хааччахтааһын суох.
Куонкурус түмүгүнэн, кыайыылаахтар бастыҥ үлэлэрэ эрэгийиэннэрдээҕи телеханаалларга көрдөрүллүөхтэрэ, отчуоттуур видеолар Уһук Илин эригийиэннэрин туристическай маршруттарын интерактивнай каарталарыгар киириэхтэрэ.
Куонкурус номинациялара: Сатыы айан (сатыы поход, тыытыллыбатах айылҕанан веломаршрут ); Уунан айан (өрүһүнэн устуу, муоратааҕы уонна уу аннынан айан, серфинг); Кыһыҥҥы суолунан (хайыһарынан айан, кыһыҥҥы веломаршрут, сноубординг). Куонкуруска кыттарга биир номинацияттан элбэҕэ суох сайаапка бэриллэр. Бириистэр: Гран-при — 3 мөл. солк. (бастыҥ айан); Сатыы /уунан/кыһыҥҥы айан — 1 мөл. солк.; 2 миэстэ номинациятыгар — 300 000 солк.; 3 миэстэ номинациятыгар — 100 000 солк. Интэриэһиргиир боппуруостаргытын сиһилии @travelerdv суруттаран билсиэххитин сөп. Куонкурус ВЭФ тэрээһиҥҥэ 2022 сыллаахха саҕаламмыта. Көҕүлээччи — РФ Бэрэсидьиэнин Уһук Илиҥҥэ боломуочунайа, вице-премьер Юрий Трутнев.
Туристическай айаны устар сир Дьокуускайга да элбэх. Холобур, киин куораттан чугас турар Үрдэл пааркаҕа икки этээстээх сканди-дьиэни куортамныахха сөп. Манна эрэстэрээн минньигэс аһын бороубалыахха, мыраан үрдүттэн киин куорат көстүүтүн умсугуйа көрүөххэ сөп. Кыһыҥҥы кэмҥэ араас тэрээһин эмиэ элбэх.
Киин куоракка “Ирбэт тоҥ саарыстыбата” туристическай комплекс иһигэр хаар-муус оҥоһуктары куйаас сайын үгэннээн турдаҕына киирэн көрөн, устан дьону соһутуохха сөп.
«Уһук Илин – мүччүргэннээх сырыы сирэ» диэн Арассыыйа үрдүнэн биллэриллибит бастыҥ айан куонкуруска сайаапкалары ылыы салҕанар. Сайаапкалары 2024 сыл ахсынньы 30 күнүгэр диэри ылаллар.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…