Хаартыска: СИА.
Балаҕан ыйын 3-8 күннэригэр Илиҥҥи экэнэмиичэскэй пуорум иитинэн «Улица Дальнего Востока» быыстапканы 43 тыһыынчаттан тахса киһи сылдьан, көрдө-иһиттэ. Саха сирэ атын федеральнай уокуруктары сэргэ бэйэтин павильонун туруорбута.
— «Улица Дальнего Востока» быыстапка – пуорумҥа улахан суолталаах тэрээһин. Пуорум кыттааччылара уонна ыалдьыттара Уһук Илин эрэгийиэннэрэ тугунан тыынан олороллорун, тугунан киэн тутталларын: ураты кэрэ айылҕаны, туристическай маршруттары, инвестиционнай бырайыактары, о.д.а. көрдүлэр. Ураты үгэстэрдээх эрэгийиэннэр култуураларын билиһиннэрдилэр. Ити барыта тыһыынчанан дьоҥҥо биһиги Уһук Илиммитин чугаһатар. Үгүстэр илэ кэлэн көрүөхтэрин баҕарбыттара саарбаҕа суох, — диэн РФ бырабыыталыстыбатын бэрэссэдээтэлин солбуйааччы, бэрэсидьиэн боломуочуйалаах бэрэстэбиитэлэ Юрий Трутнев эттэ.
Уһук Илиҥҥи федеральнйа университет баазатыгар, Аякс хомотугар 11 эрэгийиэн сүрүн технологическай ситиһиилэрин, инвестиционнай кыахтарын, араас бырайыактарын, култуурунай уратыларын көрдөрдүлэр.
Арассыыйа спордун министиэриситибэтэ икки былаһаакканы билиһиннэрдэ. «Спорт – норма жизни» павильоҥҥа профессиональнай уонна маассабай спорт сайдар кыахтарын, саҥа көрүҥнэри, о.д.а. ырыттылар. «Арена ГТО» павильоҥҥа эрэгийиэннэр ГТО 10 көрүҥэр күрэхтэстилэр.
Приморскай кыраайга аан бастаан Балык ырыынага үлэлээтэ. Уһук Илиннээҕи муора бородуукталарын амсаппыттара, атыылаабыттара.
Илиҥҥи экэнэмиичэскэй пуорум балаҕан ыйын 3-6 күннэригэр буолбута, балаҕан ыйын 7-8 күннэригэр «Улица Дальнего Востока» быыстапка баҕалаахтарга барыларыгар үлэлээтэ.
Ил Дархан, бырабыыталыстыба пресс-сулууспата.
Суукка устата өрөспүүбүлүкэҕэ биэс буруйу оҥоруу бэлиэтэммит, онон ыытыллар бэрэбиэркэ, холуобунай дьыала силиэстийэтэ борокуратуура хонтуруолугар…
Быйылгы халааҥҥа бэлэмнэнии туһунан бүгүҥҥү хаһыакка суруналыыс Женни Стрюкова матырыйаалын ааҕыҥ. Чэй оргутуутугар, кэтээн көрдөххө,…
ИДьМ Дьокуускайдааҕы 2-с нүөмэрдээх полиция салаатын дьуһуурунай чааһыгар олохтоох кыыс кэлэн, тус маллаах суумкатын уорбуттарын…
Сунтаар улууһун баһылыга Анатолий Григорьев салайааччылаах улуус дэлэгээссийэтэ байыаннай дьайыы буола турар сиригэр үлэтин салҕыыр.…
Арассыыйа үс эрэгийиэнин үөрэнээччилэрэ, аттестат уонна орто анал үөрэҕи ылар туһугар түөрт биридимиэт оннугар икки…
СӨ Быыһыыр сулууспата иһитиннэрбитинэн, муус устар 3 күнүгэр 16.21 ч. Нам улууһугар Ньыкаада арыытыгар баар…