Быраастар Арктика улууһугар тиийдилэр. Доруобуйа харыстабылын министиэристибэтин хаартыската
Эмчиттэр биригээдэлэрэ Усуйаана улууһун ыраах сытар Уйаандьы сэлиэнньэтигэр тиийэн, 40 киһи, ол иһигэр 12 оҕо, доруобуйатын бэрэбиэркэлээтилэр. Ол түмүгэр 8 киһини диспансер учуотугар ыллылар. Кинилэргэ Дьокуускайтан телемэдиссиинэ көмөтүнэн сүбэ-ама биэриэхтэрэ.
«Биһиэхэ быраастар кэлбэтэхтэрэ олус ыраатта. Бу сырыыга бүтүн биригээдэнэн, улуус киинигэр да суох исписэлиистэр кэлбиттэр. Киһи барыта Дьокуускайга баран доруобуйатын көрдөрүнэр кыаҕа суох. Быраастар улахан дьону уонна оҕолору олус болҕомтолоохтук көрдүлэр-иһиттилэр”, — диэн Уйаандьы олохтоохторо Арктика улуустарыгар олус туһалаах уонна дьоһуннаах бырайыак иһин Ил Дархан Айсен Николаевка махталларын биллэрдилэр.
“Мобильнай дуоктардар” олунньуга Арктика түөрт улууһугар – Абыйга, Орто Халымаҕа, Аллараа Халымаҕа уонна Усуйаанаҕа үлэлээтилэр. Олунньу 20 күнүнээҕи туругунан, Мобильнай биригээдэлэр өрөспүүбүлүкэтээҕи кииннэрин быраастара Арктика түөрт улууһун 4 423 олохтооҕун, ол иһигэр Абыйга – 1 019, Аллараа Халымаҕа – 962, Орто Халымаҕа – 1 337, Усуйаанаҕа 1 105 киһи доруобуйатын бэрэбиэркэлээтилэр.
СӨ Доруобуйа харыстабылын министиэристибэтин хаартыскалара
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…