Улуустар икки ардыларынааҕы оптуобус сырыыта тохтотулунна

Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар  муниципалитеттар икки ардыларынааҕы оптуобус сырыыта быстах кэмҥэ тохтотулунна. Бу туһунан Тырааныспар министиэристибэтин пресс-сулууспата иһитиннэрэр.

Оптуобус сырыыта тохсунньу 10 күнүн күнүс 12.00 ч. саҕалаан тохсунньу 11 күнүгэр диэри хааччахтанар.

«Маннык дьаһал суоппардарга куттал суох буолуутун хааччыйар сыалтан ылылынна. Тымныы халлаан тимир көлө алдьаныытын кыаҕын биллэ үрдэтэр уонна туманнаах халлаан суол быһылаанын тахсар кутталын улаатыннарар», — диэн  Тырааныспар министиэристибэтигэр бэлиэтээтилэр.