«Уматык саппааһа толору баар!»

Гражданскай оборуона уонна нэһилиэнньэ олоҕор куттал суох буолуутун хааччыйар министиэристибэ иһитиннэрии оҥордо.

«Туймаада-нефть» АУо иһитиннэрэринэн, бүгүҥҥү күҥҥэ хампаанньа бары сапыраапкалыыр ыстаансыйаларыгар уматыгынан хааччыллыы урукку таһымынан баран иһэр, АИ-92, АИ-95 бэнсиини атыылыырга туох да хааччахтааһын суох.

Уматыгынан хааччыйыыны министиэристибэ бастайааннай кэтээн көрөр, хонтуруоллуур. Күн аайы уматык саппааһын, төһө хаалбытын кэтээн көрөр мониторинг ыытыллар.

Онон сымыйа иһитиннэриилэргэ итэҕэйэн, ыксалга ылларбаккытыгар уонна тустаах хампаанньа, былаас уорганнарын иһитиннэриилэринэн эрэ салайтараргытыгар ыҥырабыт.

Гражданскай оборуона уонна нэһилиэнньэ олоҕор куттал суох буолуутун хааччыйар министиэристибэ пресс-сулууспата.