«Умнас» айан суолун 28-35 км диэри өрөмүөн түмүктэннэ

«Куттала суох уонна хаачыстыбалаах суоллар» национальнай бырайыак чэрчитинэн «Умнас» эрэгийиэннээҕи айан суолун 28-н 35-с км диэри учаастагар өрөмүөн ыытылынна.

Бу туһунан Саха сирин айан суолларын салалтата иһитиннэрэр.

Салалта эксплуатацияҕа салаата иһитиннэрбитинэн, бэдэрээтчик «РИК Автодор» тэрилтэ суол үлэтин, өрөмүөннээн, аспааллаан болдьоҕун икки ый иннинэ бүтэрбит. Бу күннэргэ эбийиэги тутар хамыыһыйа тиийиэн бэрэбиэркэлиэ.

Санатан эттэххэ, «РИК Автодор» тэрилтэ балаҕан ыйын саҥатыгар «Умнас» айан суолун 115-н 119-с км диэри усталаах учаастагы болдьоҕун иннинэ өрөмүөннээн бүтэрэн туттарбыта.