Арассыыйа уонна Украина икки ардыларыгар бара турар байыаннай дьайыылар аан дойду үрдүнэн элбэх киһини долгутар. Дойду бары муннуктарыттан элбэх киһи ыҥырыллан кытта сылдьар. Ньурба улууһун Хорула нэһилиэгиттэн байыаннай дьайыыларга кытта сылдьар дьоннорун тустарынан уонна кинилэр дьиэ кэргэттэригэр туох өйөбүл оҥоһулларын туһунан нэһилиэк баһылыга Тимофей Иванов хаһыат уонна саайт ааҕааччыларыгар билиһиннэрдэ:
— Биһиги нэһилиэктэн 7 уолбут байыаннай дьайыыларга баран кытта сылдьаллар. Кинилэртэн биэс уол инники кирбиигэ сылдьаллар. Икки уол кэлбититтэн биирэ Николай А. Украинаҕа миинэҕэ атаҕын тэптэрэн, бааһырыы ылан, билигин эмтэнэ сылдьар, атаҕа үктэппэт. Кини сотору Владивостокка байыаннай врачебнай хамыыһыйа быһаарыытын ааһыахтаах. Оттон Николай Н. болдьоҕо бүтэн кэлбитэ ахсынньы 23 күнүгэр кэлбитин нэһилиэгинэн көрсүбүппүт. Кини сотору Москваҕа реабилитацияҕа барыахтаах. Ол кэннэ дойдутугар кэлэн үлэлиирэ буолуо.
Биэс уолаттарбыт Украина сиригэр бааллар. Константин А. байыаннай дьайыыга кытта сылдьар. Аҕыйах хонуктааҕыта кимэн киирии буолуохтаах диэн дэриэбинэ олохтоохторун көһөртүү сылдьаллара. Григорий И. эрдэ штурмовой этэрээккэ сылдьыбыта. Кинилиин билигин Саян Н. бииргэ сылдьар. Христофор Т. билиҥҥи кэмҥэ байыаннай дьайыылар сирдэригэр сылдьар буолуохтаах. Альберт Ч. командир буолан, Ньурба уолаттарын бииргэ түмэн, салайан-дьаһайан илдьитэлии сылдьар. Бу уолаттарбыт байыаннай дьайыылар саамай үөстэригэр сылдьалларынан сибээскэ тахса иликтэр. Сотору улуустан баран көрсүөхтээхтэр, дьэ, оччоҕо дьоммут ханна, хайдах, туох сылдьалларын истиэхпит, билиэхпит диэн дьон бары эрэх-турах кэтэһэр.
Оттон нэһилиэккэ биһиги кинилэр дьонноругар туох кыалларынан күүс-көмө буола олоробут. Уолаттарбыт эрэ этэҥҥэ сылдьан кэлэлэригэр баҕарабыт.
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…