Уопсастыба доруобуйатын бөҕөргөтүү – национальнай идеялары олоххо киллэриигэ боччумнаах салаа
![](https://sakha-sire.ru/wp-content/uploads/2024/07/6287fd7e9364ec0cb8259afb97be55c640d4a980-900x596.jpg)
«Демография» национальнай бырайыак чэрчитинэн дьон доруобуйатын харыстабылын эйгэтигэр дьаһаллары олоххо киллэрэргэ анаан «Норуот доруобуйатын бөҕөргөтүү» бырайыак тэриллибитэ диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.
Бырайыак сүрүн соругунан – дьону чэгиэн олоххо, ол иһигэр сөптөөх аһылыкка көҕүлээһин уонна куһаҕан үгэстэртэн аккаастаныы буолар.
Ол сыалтан нэһилиэнньэ доруобуйатын харыстыыр муниципальнай бырагыраамалар уонна үлэ миэстэтигэр доруобуйаны бөҕөргөтөр корпоративнай бырагыраамалар олоххо киирэллэр, чэгиэн олоҕу тарҕатар информационнай-коммуникационнай хампаанньалар ыытыллаллар.
«2020 сылтан 32 муниципальнай тэриллии нэһилиэнньэ доруобуйатын бөҕөргөтөр муниципальнай бырагыраамалары бигэргэттэ, бу Саха сирин улуустарын 89% тэҥнэһэр. 2024 сылга өссө 4 улууска муниципальнай бырагырааманы киллэрэри былаанныыллар, ол түмүгэр улуустар 100% дьоннорун хабыахтара», — диэн Уопсастыбаннай доруобуйа уонна мэдиссиинэ сэрэтэр киинин кылаабынай бырааһа Алена Никитина этэр.
Корпоративнай бырагыраамалар Доруобуйа харыстабылын министиэристибэтин тэрилтэлэригэр көхтөөхтүк киирэллэр. Билиҥҥи туругунан, 54 мэдиссиинэ тэрилтэтигэр корпоративнай бырагыраамалар үлэлииллэр.
Сообщить об опечатке
Текст, который будет отправлен нашим редакторам: