Уорганы көһөртөрөөччүлэр ороскуоттара толуйуллуо дуо?
![](https://sakha-sire.ru/wp-content/uploads/2024/06/nefrologiya-720x596.jpeg)
Уопсастыбаннай диэйэтэл, кэмиэрчэскэйэ суох тэрилтэ -– нефрология уонна уорганы уларыттарбыт ыарыһахтар «Тулуур» өрөспүүбүлүкэтээҕи уопсастыбаннай тэрилтэлэрин салайааччы Марфа Бурцева оробуочай сырыы чэрчитинэн РФ Федеральнай мунньаҕын Федерациятын сэбиэтигэр ыҥырыллыбыта.
Марфа Николаевна Федерация сэбиэтин эрэгийиэннээҕи бэлиитикэҕэ, олохтоох бэйэни салайыныыга уонна Хотугу сир дьыалаларыгар кэмитиэтин чилиэнэ Сахамин Афанасьевтыын көрсүбүтэ. Көрсүһүү кэмигэр ыарыһахтар уорганы (бүөрү) көһөрө барарга ороскуоттарын толуйтарыы туһунан кэпсэппиттэрэ. Сахамин Миланович баар кыһалҕаны болҕомтолоохтук истэн баран, боппуруоһу өрөспүүбүлүкэ бырабыыталыстыбатын таһымыгар көрөргө эрэннэрдэ уонна итинник кыһалҕа эрэгийиэҥҥэ чахчы баарын, бу хайысхаҕа үлэлиэххэ наадатын бэлиэтээтэ.
Биһиги эрэгийиэммитигэр уорганы (бүөрү) көһөрүү эпэрээссийэлэрэ өр кэм устата оҥоһуллубатахтарынан, эмтэнээччилэр өрөспүүбүлүкэ таһыгар бэйэлэрин үптэринэн барарга күһэллэллэр. Бу харчыларын, хомойуох иһин, ким да төнүннэрбэт. Дьиҥэр, сокуон ирдэбилинэн, хас биирдии киһи мэдиссиинэ табыгастаах уонна хаачыстыбалаах өҥөтүнэн туһанар бырааптаах.
Сообщить об опечатке
Текст, который будет отправлен нашим редакторам: