«Cаха» НКИХ
«Саха» НКИХ телеханаалын «Уот Дьулустаан» сериала «ТЭФИ-Регион» Бүтүн Арассыыйатааҕы телевизионнай куонкуруска «Бастыҥ оонньуулаах киинэ/сериал» номинацияҕа кыайда. XXIV куонкурус лауреаттарын наҕараадалааһын сиэрэ-туома сэтинньи 19 күнүгэр Ярославль куоракка, Арассыыйа саамай кырдьаҕас Фёдор Волков аатынан драматическай тыйаатырыгар буолан ааста.
Саха сирин бырайыагын таһынан, бу номинацияҕа «Ника» Калугатааҕы телерадиохампаанньатын «Останься» веб-сериала уонна «Севастополь тутулуга суох тэлэбиидэнньэтэ» ХЭУо «Дети русской Трои» киинэтэ киирбиттэрэ.
«Уот Дьулустаан» сериал көрөөччүгэ XX үйэ өрөбөлүүссүйэ иннинээҕи сылларыгар саха норуотун олоҕун-дьаһаҕын көрдөрөр. Сериал саха суруйааччыта Валентина Гаврильева эмиэ итинник ааттаах айымньытыгар олоҕурар. Режиссер Елена Эверстова кинигэни Катерина Григорьева (Кэрэмэс Сыдьаай) сценарийынан киинэҕэ уһулбута. 20 сиэрийэлээх драма сүрэхтэниитэ быйыл тохсунньу 27 күнүгэр «Саха» НКИХ буолбута.
«ТЭФИ-регион» — эрэгийиэн суруналыыстарыгар аналлаах телевизионнай куонкурус, 2001 сылтан ыытыллар. Куонкурус 18 номинациянан ыытылынна, ол иһигэр быйылгы сылга анаан икки анал номинациянан: «Арассыыйаны саҥаттан арыйабыт!» уонна «Аҕа дойду Улуу сэриитигэр Кыайыы 80 сыла». Кыайыы иһин Арассыыйа 82 куоратыттан уонна нэһилиэнньэлээх пууннарыттан кыттааччылар кииристилэр.
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…